കൊളംബോ: ശ്രീലങ്കയ്ക്കെതിരായ മൂന്നാം ഏകദിനത്തിൽ ഇന്ത്യക്ക് തോല്വി. എങ്കിലും പരമ്പര 2-1നു ഇന്ത്യ സ്വന്തമാക്കി. സ്കോര്: ഇന്ത്യ 43.1 ഓവറില് 225 റണ്സിനു പുറത്ത്. ഇന്ത്യ 39 ഓവറില് ഏഴിന് 227. അവിഷ്ക ഫെര്ണാണ്ടോ (76), ഭാനുക രാജപക്സെ (65) ചരിത് അസലന്ക (24) എന്നിവരാണ് ലങ്കക്ക് ജയമൊരുക്കിയത്. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 43.1 ഓവറിൽ 225 റൺസിന് എല്ലാവരും പുറത്തായി.
ആദ്യ രണ്ടു ഏകദിനങ്ങളിലും കളിച്ച ടീമില് ആറു മാറ്റങ്ങളുമായിട്ടാണ് ഇന്ത്യ മൂന്നാമങ്കത്തില് ഇറങ്ങിയത്.
ഇന്ത്യന് നിരയില് ഒരാള് പോലും ഫിഫ്റ്റി തികച്ചില്ല. 49 പന്തിൽ എട്ടു ഫോറുകൾ സഹിതം 49 റൺസെടുത്ത ഓപ്പണർ പൃഥ്വി ഷായാണ് ടോപ് സ്കോറർ. മലയാളി താരം സഞ്ജു സാംസൺ 46ഉം സൂര്യകുമാര് യാദവ് 40ഉം റണ്സ് നേടിയതൊഴിച്ചാല് മറ്റെല്ലാവരും പെട്ടന്ന് കൂടാരം കയറി. ഇനി മൂന്നു മല്സരങ്ങളുടെ ടി20 പരമ്പരയിലാണ് ഇരുടീമും ഏറ്റുമുട്ടുക. ആദ്യ മല്സരം ഞായറാഴ്ച നടക്കും.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona