പോര്‍ട്ട്‌ലാന്റ്: യുഎസിലെ വിസ്‌കോണ്‍സിനിലെ (Wisconsin) വൗകെഷയില്‍ തിരക്കേറിയ ക്രിസ്മസ് പരേഡിലൂടെ ഒരാള്‍ കാര്‍ ഓടിച്ചുകയറി 20ല്‍ അധികം പേര്‍ക്ക് പരിക്കേറ്റു. കൃത്യമായ മരണസംഖ്യ പൊലീസ് പുറത്തുവിട്ടിട്ടില്ല. വിസ്കോന്‍സെനിലെ മിലുവാകീയില്‍ ഞായറാഴ്ച വൈകിട്ടാണ് സംഭവം. അമിതവേഗത്തില്‍ വന്ന കാര്‍ കാഴ്ചക്കാരിലേക്ക് ഇടിച്ചുകയറുകയായിരുന്നെന്നു പൊലീസ് പറഞ്ഞു.
ക്രിസ്തുമസ് പരഡേിലൂടെ ഒരു ചുവന്ന എസ്യുവി കാര്‍ ഒടിച്ചുകയറുകയായിരുന്നെന്ന് ദൃക്‌സാക്ഷികള്‍ പറഞ്ഞു. 20ഓളം പേര്‍ക്കാണ് പരിക്കേറ്റതെന്നും അവര്‍ പറയുന്നു. പ്രതിയെ കുറിച്ചുള്ള വിവരങ്ങള്‍ പൊലീസിന് ലഭിച്ചിട്ടുണ്ട്. എന്നാല്‍ കൂടുതല്‍ വിവരങ്ങള്‍ പുറത്തുവിട്ടിട്ടില്ല. അതേസമയം അപകടത്തിനിടയാക്കിയ എസ്യുവി കാറും ഡ്രൈവറെയും പൊലീസ് കസ്റ്റഡിയിലെടുത്തതായും അന്വേഷണം ആരംഭിച്ചതായും പോലീസ് അറിയിച്ചു.
