ദില്ലി: കോണ്ഗ്രസ് പ്രസിഡന്റ് സോണിയ ഗാന്ധിക്ക് ശ്വാസകോശത്തില് അണുബാധയുണ്ടായതായി റിപ്പോര്ട്ട്. കൊവിഡുമായി ബന്ധപ്പെട്ട പ്രശ്നങ്ങളെ തുടര്ന്ന് ഡല്ഹി ശ്രീഗംഗാറാം ആശുപത്രിയില് ചികിത്സയില് കഴിയുകയാണ് സോണിയ ഗാന്ധി.
സോണിയയുടെ മൂക്കില് നിന്ന് രക്തസ്രാവമുണ്ടായെന്നും അവര് നിരീക്ഷണത്തിലാണന്നും എഐസിസി ജനറല് സെക്രട്ടറി ജയ്റാം രമേശിന്റെ വാര്ത്താക്കുറിപ്പില് വ്യക്തമാക്കുന്നു.
ശ്വാസകോശ അണുബാധയ്ക്കുള്ള ചികിത്സയാണ് ഇപ്പോള് നടക്കുന്നതെന്നും പാര്ട്ടി വ്യക്തമാക്കി. രാഹുല് ഗാന്ധിയും പ്രിയങ്ക ഗാന്ധിയും ആശുപത്രിയില് സോണിയയ്ക്കൊപ്പമുണ്ട്. ഇ ഡിയുടെ ചോദ്യം ചെയ്യല് നേരിടുന്ന രാഹുല് വ്യാഴാഴ്ച രാത്രി മുതല് ആശുപത്രിയില് തുടരുകയാണ്.
23ന് ചോദ്യം ചെയ്യലിന് ഹാജരാകാന് സോണിയയ്ക്കും ഇ ഡി നോട്ടീസ് അയച്ചിരുന്നു. എന്നാല് ആരോഗ്യ പ്രശ്നങ്ങളെ തുടര്ന്ന് കൂടുതല് സമയം അനുവദിച്ചിരിക്കുകയാണ്. ജൂണ് രണ്ടിനാണ് സോണിയയ്ക്ക് കൊവിഡ് സ്ഥിരീകരിച്ചത്. തുടര്ന്ന് പന്ത്രണ്ടിന് ആശുപത്രിയില് പ്രവേശിപ്പിക്കുകയായിരുന്നു.