പലര്‍ക്കും പലപ്പോഴുമുണ്ടാകുന്ന അസ്വസ്ഥതയാണ് തൊണ്ടവേദന. അണുബാധയാണ് ഇതിന്റെ പ്രധാന കാരണം. ചെറിയ കുട്ടികളില്‍ സ്‌ട്രെപ്‌റ്റോകോക്കല്‍ ബാക്ടീരിയ കാരണവും ഇതുണ്ടാകാറുണ്ട്. തണുപ്പ് കാലത്തും ചിലര്‍ക്ക് തണുത്ത ഭക്ഷണം കഴിച്ചാലുമെല്ലാം ഇതുണ്ടാകാറുണ്ട്. ഇതല്ലാതെ അലര്‍ജി പ്രശ്‌നങ്ങളുണ്ടെങ്കില്‍ അണുബാധകളുണ്ടാകാന്‍ സാധ്യതയേറെയാണ്.തൊണ്ടയിലെ അണുബാധ കൂടുതല്‍ വഷളാകാതെ തുടക്കത്തില്‍ തന്നെ പരിഹരിക്കാൻ സഹായിക്കുന്ന ചില വീട്ടുവൈദ്യങ്ങളുണ്ട്.
തേൻ
അണുബാധ കുറയ്ക്കാൻ സഹായിക്കുന്ന ഫലപ്രദമായ ആന്റി ബാക്ടീരിയൽ ഗുണങ്ങൾ തേനിലുണ്ട്. ഇത് തൊണ്ട നനയ്ക്കുകയും വരൾച്ച കുറയ്ക്കുകയും ചെയ്യുന്നു. രാത്രിയിലെ വരണ്ട ചുമയിൽ പ്രത്യേകിച്ചും ഇത് ഗുണം ചെയ്യും.തൊണ്ടയിലെ വീക്കവും അണുബാധയും കുറയ്ക്കുന്നതിനുള്ള മികച്ച വഴിയാണ്‌ തേൻ.-ഇഞ്ചി ചായ. തേന്‍ നാരങ്ങാനീരു ചേര്‍ത്തും കഴിയ്ക്കാം. തേന്‍ വെറുതേ കഴിയ്ക്കുന്നതും തൊണ്ടയ്ക്ക് ആശ്വാസം നല്‍കും.
മഞ്ഞള്‍പ്പാല്‍
മഞ്ഞള്‍പ്പാല്‍ ആരോഗ്യപരമായ പല ഗുണങ്ങളും നല്‍കുന്ന ഒന്നാണ്.തൊണ്ടയിൽ അസ്വസ്ഥതയോ ചുമയോ ഉണ്ടാകുമ്പോഴെല്ലാം, ഒരു നുള്ള് മഞ്ഞൾ ചേർത്ത ചെറുചൂടുള്ള പാൽ കുടിക്കാൻ ശ്രമിക്കുക.ഇഞ്ചി, കുരുമുളക്, കർപ്പൂരത്തുളസി, കറുവപ്പട്ട തുടങ്ങിയ ഔഷധസസ്യങ്ങൾ ചേർത്ത് തയ്യാറാക്കുന്ന ഹെര്‍ബല്‍ ടീ ഇതിനുളള മികച്ച പരിഹാരമാണ്. ദിവസത്തിൽ മൂന്ന് തവണയെങ്കിലും കുടിക്കുക. തൊണ്ടവേദനയ്ക്ക് എളുപ്പത്തിൽ ആശ്വാസം ലഭിക്കും.
ഇഞ്ചി
പ്രകൃതിദത്തമായതും അലർജി വിരുദ്ധവും ഡീകോംഗെസ്റ്റന്റ് ഗുണങ്ങൾ അടങ്ങിയതുമായ പ്രതിവിധിയാണ് ഇഞ്ചി. ശ്വസനവ്യവസ്ഥയുമായി ബന്ധപ്പെട്ട് തൊണ്ടയുടെ ഭാഗത്ത് അധിക കഫം അടിഞ്ഞു കൂടുന്നത് തടയാന്‍ ഇതിന് സാധിയ്ക്കും. .ഇഞ്ചി നീരും തേനും കലര്‍ത്തി കഴിയ്ക്കാം. ഇഞ്ചിയിട്ട വെള്ളം കുടിയ്ക്കാം. ഇഞ്ചനീരും ചെറുനാരങ്ങാനീരും കലര്‍ത്തി കഴിയ്ക്കുന്നതും ഏറെ ഗുണം നല്‍കും. ഇഞ്ചിയിട്ട വെള്ളം കുടിയ്ക്കാം. ഇഞ്ചനീരും ചെറുനാരങ്ങാനീരും കലര്‍ത്തി കഴിയ്ക്കുന്നതും ഏറെ ഗുണം നല്‍കും.
വെളുത്തുള്ളി
വെളുത്തുള്ളി തൊണ്ടവേദനയ്ക്കുള്ള നല്ലൊരു പരിഹാരമാണ്.വെളുത്തുള്ളിയിൽ അലിസിൻ എന്ന സംയുക്തം അടങ്ങിയിട്ടുണ്ട്. ഇതിന് ശക്തമായ ആൻറി ബാക്ടീരിയൽ ഗുണങ്ങളുണ്ട്. ഇത് തൊണ്ടയിലെ അണുക്കളെയും ബാക്ടീരിയകളെയും നിർവീര്യമാക്കുകയും അസ്വസ്ഥതകൾ അകറ്റുകയും ചെയ്യുന്നു.
ഇതിട്ട വെള്ളം കുടിയ്ക്കുകയോ ഇത് ചവച്ചിറക്കുകയോ ചെയ്യുന്നത് നല്ലതാണ്. തേന്‍-വെളുത്തുള്ളി മിക്‌സും ഗുണം നല്‍കും.
