Thursday, November 19, 2026

തിരുവനന്തപുരം ദൂരദര്‍ശന്‍ കേന്ദ്രത്തിലെ ശുചിമുറിയില്‍ ഒളിക്യാമറ; പ്രമുഖർ കുടു കുടുങ്ങിയതായി സൂചന; പൊലീസില്‍ അറിയിക്കാതെ ഒളിച്ചുകളിച്ച് അധികൃതര്‍

തിരുവനന്തപുരം ദൂര്‍ദര്‍ശന്‍ കേന്ദ്രത്തിലെ ശുചിമുറികളിലൊന്നില്‍ നിന്ന് ഒളിക്യാമറ (SPY CAM) കണ്ടെത്തി. സ്ഥാപനത്തിലെ വനിതകള്‍ തന്നെയാണ് ക്യാമറ കണ്ടെത്തിയത്​. വളരെ ഗുരുതരമായ ഈ സംഭവം കണ്ടെത്തി രണ്ടു ദിവസം കഴിഞ്ഞിട്ടും പൊലീസില്‍ പരാതിപ്പെടാന്‍ അധികൃതര്‍ തയ്യാറായില്ല. കേസ് ഒതുക്കി തീര്‍ക്കാന്‍ ശ്രമം നടക്കുന്നുണ്ടോ എന്നും സംശയിക്കുന്നു

വിരലടയാളവും മറ്റും ശേഖരിച്ച്‌ ശാസ്ത്രീയ പരിശോധനയും നടത്തേണ്ട കേസ്​ പൊലീസിന്​ കൈമാറാത്തതില്‍ നിരവധി ജീവനക്കാര്‍ ആശങ്ക പ്രകടിപ്പിക്കുന്നുണ്ട്​. അതിഥികളായ വിഐപികളും ജീവനക്കാരും കുടുങ്ങിയതായി ആശങ്കയുണ്ടായിട്ടും പൊലീസില്‍ അറിയിക്കാതെ സംഭവത്തെ മൂടിവയ്ക്കാനാണ് അധികൃതര്‍ ശ്രമിച്ചത്.

ദൃശ്യങ്ങള്‍ പകര്‍ത്തിയ ജീവനക്കാരനെ പിടികൂടിയതായാണ് വിവരം. എന്നാല്‍ പരാതി ഇതുവരെ പൊലീസില്‍ അറിയിക്കാന്‍ ദൂരദര്‍ശന്‍ അധികൃതര്‍ തയ്യാറായിട്ടില്ല. ഇതു സംബന്ധിച്ച ഒരു പരാതിയും ഇന്നലെ വരെ പോലീസിന് ലഭിച്ചിട്ടില്ല.

Related Articles

Latest Articles