പാലക്കാട്: വാളയാറില് പീഡനത്തിനിരയായ പെണ്കുട്ടികള് മരിച്ച കേസില് സര്ക്കാരിന് ഗുരുതര വീഴ്ചയെന്ന് ആരോപിച്ച് ബിജെപി നേതാവ് കെ. സുരേന്ദ്രന്. കേസ് കോടതിയിലെത്തിയപ്പോള് സ്പെഷ്യല് പ്രോസിക്യൂട്ടര് ഒന്നും സംസാരിച്ചില്ല. മൗനി ബാബയെ പോലെയാണ് പ്രോസിക്യൂഷന് പെരുമാറിയത്. പാലക്കാടുനിന്നുള്ള മന്ത്രി കൂടിയായ നിയമ മന്ത്രി എ.കെ ബാലനാണ് ഇക്കാര്യത്തില് പൂര്ണ്ണ ഉത്തരവാദിത്തമെന്നും കെ.സുരേന്ദ്രന് ആരോപിച്ചു.
വടക്കോട്ട് നോക്കി മെഴുകുതിരി കത്തിക്കുന്നതിന് പകരം വാളയാര് വിഷയത്തില് പുനരന്വേഷണം നടത്താന് സര്ക്കാര് തയ്യാറാകണമെന്നും കെ. സുരേന്ദ്രന് ആവശ്യപ്പെട്ടു. കത്വ സംഭവത്തില് പ്രതിഷേധിച്ച് പത്ത് ട്വീറ്റ് ഇട്ട മുഖ്യമന്ത്രിക്ക് വാളയാര് പീഡനകേസില് മൗനമാണെന്നും കെ.സുരേന്ദ്രന് ആരോപിച്ചു.
തെളിവുകള് സിപിഎം പ്രാദേശിക നേതൃത്വം ഇടപെട്ട് വിഴുങ്ങുകയായിരുന്നു . കേരളാ പൊലീസിനെ സിപിഎം നോക്കുകുത്തിയാക്കിയെന്നും കെ.സുരേന്ദ്രന് ആക്ഷേപിച്ചു
