സിനിമാതാരങ്ങളുടെ ജനപ്രിയതയും പ്രഭാവവും തിരഞ്ഞെടുപ്പിൽ രാഷ്ട്രീയ പാർട്ടികൾ ഉപയോഗിക്കുന്നത് ഇന്ന് നമ്മുടെ നാട്ടിൽ തികച്ചും സാധാരണമാണ്. അതിനു ഒരു പടി കടന്നു സിനിമാതാരങ്ങൾ തന്നെ രാഷ്ട്രീയ നേതാക്കളായി പരകായ പ്രവേശം നടത്തി നാട് ഭരിച്ച ചരിത്രം തന്നെ ഇന്ത്യയിൽ ഉണ്ട്.
പതിനേഴാം ലോക്സഭാ തിരഞ്ഞെടുപ്പിലും മിക്ക സംസ്ഥാനങ്ങളിലും സിനിമാതാരങ്ങളുടെ തിളങ്ങുന്ന സാന്നിധ്യമുണ്ട്. എന്നാൽ ഈ തിരഞ്ഞെടുപ്പിൽ ഒരു നിയോജകമണ്ഡലത്തിലെ രാഷ്ട്രീയ സമവാക്യങ്ങളെല്ലാം മാറ്റിമറിച്ച ‘മാസ്സ് എൻട്രി’ നടത്തിയത് തൃശൂരിലെ ബിജെപി സ്ഥാനാർഥി സുരേഷ്ഗോപിയാണ് . കോൺഗ്രസ്സ് അധ്യക്ഷൻ രാഹുൽ ഗാന്ധിയെ നേരിടാൻ ബിഡിജെഎസ് നേതാവ് തുഷാർ വെള്ളാപ്പള്ളി വയനാട്ടിലേക്ക് മാറിയ സാഹചര്യത്തിൽ വൈകിയാണ് സുരേഷ്ഗോപി തൃശൂരിൽ എത്തുന്നത്. എന്നാൽ വളരെ വേഗമാണ് ഇപ്പോൾ രാജ്യസഭാംഗം കൂടിയായ സുരേഷ്ഗോപി ആ വിടവ് നികത്തിയത്.
സുരേഷ്ഗോപിയുടെ പ്രചാരണത്തിന് താരങ്ങളുടെ പിന്തുണയുണ്ട്. അത് വിവാദങ്ങൾക്കും വഴിവെച്ചു. ജനപ്രിയ താരങ്ങളായ ബിജു മേനോനും സംയുക്തവർമ്മയും പ്രിയവാര്യരുമൊക്കെ ബിജെപി സ്ഥാനാർഥിയായ സുരേഷിന് വേണ്ടി നിലകൊണ്ടത് പലരെയും ചൊടിപ്പിച്ചു. രൂക്ഷമായ സൈബർ ആക്രമണമാണ് ഇവർക്ക് പിന്നീട് നേരിടേണ്ടി വന്നത്. എന്നാൽ വിമർശകരുടെ വാ അടപ്പിച്ചു കൊണ്ട് സൂപ്പർതാരം മോഹൻലാലിന്റെ ശബ്ദത്തിൽ ഒരു പ്രൊഫൈൽ വീഡിയോയുമായി തിരിച്ചടിച്ചിരിക്കുകയാണ് ബിജെപി. ഒരു സൂപ്പർതാരം മറ്റൊരു സൂപ്പർതാരത്തിന് വേണ്ടിചെയ്യുന്ന വീഡിയോ. സുരേഷ്ഗോപിയുടെ സാന്നിധ്യം അടിവരയിടുന്ന വീഡിയോ ഇപ്പോൾ സോഷ്യൽ മീഡിയയിൽ വയറൽ ആവുകയാണ്. വിഡിയോയിലേക്ക്