സുരേഷ്ഗോപിയും ജോഷിയും ഒന്നിക്കുന്ന പപ്പൻ ചിത്രത്തിന്റെ ട്രെയിലർ റിലീസ് ചെയ്തു. വന്വിജയം നേടിയ പൊറിഞ്ചു മറിയം ജോസിനുശേഷം ജോഷി ഒരുക്കുന്ന ചിത്രത്തില് എബ്രഹാം മാത്യു മാത്തന് ഐ.പി.എസ് എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. ചിത്രത്തില് സുപ്രധാന കഥാപാത്രത്തെ ഗോകുല് സുരേഷ് അവതരിപ്പിക്കുന്നു.
ഒരു കൊടും കുറ്റവാളിയെ തേടിയുള്ള അന്വേഷണവും ഉദ്വേഗം നിറഞ്ഞ മുഹൂര്ത്തങ്ങളും നല്കുന്ന ട്രെയിലര് ക്രൈം ത്രില്ലര് ചിത്രമെന്നു തന്നെ പറയാം. നീത പിള്ള, നൈല ഉഷ, ആശ ശരത്, കനിഹ, ചന്ദുനാഥ്, വിജയരാഘവന്, ടിനിടോം, ഷമ്മി തിലകന് തുടങ്ങി വന്താര നിര അണിനിരക്കുന്നു. ഡേവിഡ് കാച്ചപ്പിള്ളി പ്രൊഡക്ഷന്സിന്റെയും ഇഫാര് മീഡിയയുടെയും ബാനറില് ഡേവിഡ് കാച്ചപ്പിള്ളിയും റാഫി മതിരയും ചേര്ന്ന് നിര്മ്മിക്കുന്ന ചിത്രഹിന് ആര്.ജെ. ഷാനാണ് തിരക്കഥ ഒരുക്കുന്നത്. ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റര് ശ്യാം ശശിധരന്, സംഗീതം ജേക്സ് ബിജോയ്, ഡ്രീം ബിഗ് ഫിലിംസ് തിയേറ്ററുകളില് എത്തിക്കുന്നു.