ഹൈദരാബാദ്: കടുത്ത വയറുവേദനയെ തുടര്ന്ന് ആശുപത്രിയിലെത്തിയ യുവതിയുടെ വയറ്റില് കത്രിക. നൈസാം ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ് ആശുപത്രിയിലാണ് യുവതിയുടെ വയറ്റില് നിന്നും കത്രിക പുറത്തെടുത്തത്.
ഡോക്ടര്മാരുടെ അശ്രദ്ധമൂലം യുവതിയുടെ വയറ്റില് കുടുങ്ങിയ കത്രികയാണ് പുറത്തെടുത്തത്. മൂന്ന് മാസം മുന്പ് ഇതേ ആശുപത്രിയില് യുവതി മറ്റൊരു ശസ്ത്രക്രിയയ്ക്കു വിധേയയായിരുന്നു. ശസ്ത്രക്രിയയ്ക്കിടെ വയറ്റില് കുടുങ്ങിയ കത്രികയാണ് ഇന്ന് വീണ്ടും ശസ്ത്രിക്രിയിലൂടെ പുറത്തെടുത്തത്.
ആദ്യ ശസ്ത്രക്രിയയ്ക്ക് ശേഷം വയറ്റില് വേദന അനുഭവപ്പെട്ടതിനെ തുടര്ന്ന് യുവതി ഡോക്ടറിനെ സമീപിക്കുകയായിരുന്നു. ആശുപത്രിയിലെത്തി എക്സ്റേ എടുത്തപ്പോഴാണ് വയറ്റില് കത്രിക കുടുങ്ങിയ വിവരം അറിയുന്നത്. ഇതേതുടര്ന്നു യുവതിയെ അടിയന്തര ശസ്ത്രക്രിയ നടത്തി കത്രിക നീക്കം ചെയ്തു.