പോലീസ് വാഹനം തട്ടി സ്കൂട്ടറിൽ സഞ്ചരിച്ചിരുന്ന കുടുംബത്തിന് ഗുരുതര പരിക്ക്. മലപ്പുറം വാഴക്കാട് പുൽപ്പറമ്പിൽ ജാസിദ് (33), ഭാര്യ ഷാഹിന ( 30) മകൻ ജുവാൻ (3) എന്നിവർക്കാണു പരുക്കേറ്റത്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. അപകടമുണ്ടായ ഉടൻ ഡ്രൈവർ ഇറങ്ങിയോടി. ഇയാൾ മദ്യപിച്ചിരുന്നതായി ആരോപണമുണ്ട്.സുൽത്താൻ ബത്തേരി അസംപ്ഷൻ ജംക്‌ഷനിൽ വൈകുന്നേരം മൂന്നേ മുക്കാലോടെയായിരുന്നു അപകടം .
പൊലീസ് ബാരിക്കേഡുകൾ കൊണ്ടുപോകാനായി എആർ ക്യാംപിൽനിന്നെത്തിയ ടെംപോ വാഹനമാണ് അപകടത്തിൽപ്പെട്ടത്. ഓടി രക്ഷപ്പെട്ട ഡ്രൈവർക്കായി പൊലീസ് അന്വേഷണം ആരംഭിച്ചു. സംഭവസ്ഥലത്ത് ഓടിക്കൂടിയ നാട്ടുകാരാണ് പരുക്കേറ്റവരെ ആശുപത്രിയിലെത്തിച്ചത്.
