ബിഗ് ബജറ്റ് ചിത്രങ്ങള് മാത്രം സെലക്ട് ചെയ്യുന്ന നടനായി മാറിയിട്ടുണ്ട് തോളിവുഡിന്റെ സ്വന്തം പ്രഭാസ്. പ്രഭാസിന്റെ ജെന്റില് ലുക്ക് ഏത് പുരാണ ഇതിഹാസ കഥാപാത്രങ്ങള്ക്കും ജീവന് നല്കാന് അനുയോജ്യമാണെന്നാണ് ബാഹുബലിക്ക് ശേഷം സംവിധായകരുടെ കണക്കുകൂട്ടല്. അതുകൊണ്ട് തന്നെ ആകാരവടിവും തടിയും തൂക്കവുമൊക്കെ പൊതുവിലുള്ള നായക സൗന്ദര്യസങ്കല്പ്പത്തെ മറികടക്കാന് പാടില്ല. കാരണം പ്രഭാസിന് ബിഗ് ബജറ്റ് ചിത്രങ്ങള് ഒത്തിരിയുണ്ട് കരാറില്.
അതിലൊന്നാണ് ആദിപുരുഷ്. പ്രഭാസിന്റെ ആദിപുരുഷ് വന് പ്രതീക്ഷയാണ് ആരാധകര്ക്ക്. വലിയ ക്യാന്വാസിലൊരുങ്ങുന്ന ചിത്രം സംവിധാനം നിര്വഹിക്കുന്നത് ഓം റാവത്താണ്.ചിത്രത്തിന്റെ ഷൂട്ടിങ് നേരത്തെ ആരംഭിച്ചിട്ടുണ്ട്. ഷൂട്ടിങ് പുരോഗമിക്കുന്നതിനിടെ താരം തടി വല്ലാതെ കൂടിയെന്ന റിപ്പോര്ട്ടുകളും പുറത്തുവരുന്നു.
ഇത് സംവിധായകനെ ആശങ്കയിലാക്കിയിരിക്കുകയാണ്. ബാഹുബലി ലുക്കില് നിന്ന് ഏറെ മാറിപ്പോയി താരമെന്നാണ് വിവരം. ഇത് ആദിപുരുഷ് എന്ന കഥാപാത്രത്തിന് അനുയോജ്യമാക്കാത്ത വിധം ലുക്കിലേക്കാണെന്ന സൂചനയുമുണ്ട്. താരം തടി കുറച്ച് ഫിറ്റ്നസ് സൂക്ഷിച്ചില്ലെങ്കില് നായക സ്ഥാനം പോകുമോ എന്ന ആശങ്കയും പ്രേക്ഷകര്ക്കുണ്ട്.
പ്രഭാസിന്റെ പുതിയ ലുക്ക് കണ്ട ഷോക്കിലാണ് പ്രേക്ഷകര്. നേരത്തെ പുറത്തുവന്ന നടന്റെ ചിത്രം തെറ്റായ ആംഗിളില് എടുത്തത് കൊണ്ടാണെന്നായിരുന്നു ആളുകള് കരുതിയിരുന്നത്. എന്നാല് അതല്ല താരം തടി കൂടി രൂപം മാറിയതാണെന്ന വസ്തുതയാണ് ഇപ്പോള് ചര്ച്ചകള്ക്ക് ഇടം നല്കിയിരിക്കുന്നത്. അതേസമയം പ്രഭാസിനെ ട്രീറ്റ്മെന്റിനായി വിദേശത്തേക്ക് അയക്കാന് സംവിധായകന് തീരുമാനിച്ചിട്ടുണ്ടെന്നും ഉടന് യുകെയിലേക്ക് പോകുമെന്നും അവിടുത്ത പ്രത്യേക ചികിത്സയ്ക്ക് വിധേയമാക്കിയേക്കുമെന്നും പല മാധ്യമങ്ങളും റിപ്പോര്ട്ട് ചെയ്യുന്നു.