പാലക്കാട്: കൽപ്പാത്തി രഥോത്സവം നടത്താൻ അനുമതി നൽകി ജില്ലാ ഭരണകൂടം. കേരളത്തിലെ പ്രസിദ്ധമായ ഉത്സവങ്ങളിലൊന്നാണ് പാലക്കാട് കൽപ്പാത്തി രഥോത്സവം. ക്ഷേത്ര ഭരണസമിതി മുന്നോട്ട് വച്ച അഭ്യർത്ഥനയ്‌ക്കാണ് നിയന്ത്രണങ്ങളോടെയാണ് അനുമതി നൽകിയിരിക്കുന്നത്. ജില്ലാ കളക്ടർ മൃൺമയീ ജോഷിയാണ് തീരുമാനം അറിയിച്ചത്.
നവംബർ 8-ാം തിയതി ഉത്സവത്തിന് കൊടിയേറി 14,15,16 തീയതികളിലായിട്ടാണ് കൽപ്പാത്തി രഥോത്സവം നടക്കേണ്ടത്. എന്നാൽ കോവിഡ് വ്യാപനത്തെ തുടർന്ന് കഴിഞ്ഞ രണ്ടുവർഷമായി പ്രതീകാത്മകമായും അനുഷ്ഠാനത്തിൽ മാത്രമായും രഥോത്സവം പരിമിതപ്പെടുത്തിയിരുന്നു. ഏറെ പ്രശസ്തമായ ഉത്സവവും അതിനോടടുബന്ധിച്ചുള്ള രഥോത്സവവും നടത്താൻ അനുവദിക്കണമെന്ന് നിരവധി സംഘടനകളും ഭക്തരും ജില്ലാ ഭരണകൂടത്തോട് ആവശ്യപ്പെട്ടിരുന്നു. ഇതിനുപിന്നാലെയാണ് രഥോത്സവത്തിന് അനുമതി നൽകിയത്.
