അഹമ്മദാബാദ് : അപകടസ്ഥലത്ത് കൂടിനിന്ന ആള്ക്കൂട്ടത്തിനിടയിലേക്ക് അതിവേഗതയിലെത്തിയ ആഡംബര കാർ പാഞ്ഞു കയറി ഒമ്പത് പേർക്ക് ദാരുണാന്ത്യം . അഹമ്മദാബാദിലെ സര്ഖേജ്- ഗാന്ധിനഗര് ഹൈവേയിലാണ് അപകടം നടന്നത്. ഹൈവേയില് തൊട്ടുമുമ്പ് മറ്റൊരു വാഹനം ട്രക്കുമായി കൂട്ടിയിടിച്ച് അപകടം നടന്നിരുന്നു. ഇതിനെത്തുടന്ന് അപകടസ്ഥലത്ത് രൂപപ്പെട്ട ആൾക്കൂട്ടത്തിനിടയിലേക്കാണ് കാർ പാഞ്ഞുകയറിയത്. കൊല്ലപ്പെട്ടവരില് രണ്ട് പേര് പോലീസുകാരാണ്.
അഞ്ചു പേര് തൽക്ഷണം മരണപ്പെട്ടു. ചികിത്സയിലിരിക്കെയാണ് മറ്റു നാല് പേര് മരിച്ചത്. അപകടത്തിൽ പരിക്കേറ്റ പത്തുപേരുടെ നില ഗുരുതരമായി തുടരുകയാണ്. അപകടമുണ്ടാക്കിയ വാഹനത്തിന്റെ ഡ്രൈവറിനും പരിക്കേറ്റിട്ടുണ്ട്. ഇയാളെ ആശുപത്രിയില് പ്രവേശിപ്പിച്ചു. അമിതവേഗം കാരണം വാഹനത്തിന്റെ നിയന്ത്രണം നഷ്ടപ്പെട്ടതാകാം അപകടത്തിനിടയാക്കിയതെന്നാണ് പ്രാഥമിക നിഗമനം.
അപകടത്തില് ജീവന് നഷ്ടമായവര്ക്ക് നാലു ലക്ഷം രൂപയും പരിക്കേറ്റവര്ക്ക് അമ്പതിനായിരം രൂപയും നഷ്ടപരിഹാരം നല്കുമെന്ന് ഗുജറാത്ത് മുഖ്യമന്ത്രി ഭൂപേന്ദ്ര പട്ടേല് അറിയിച്ചു.