പാക്കികളുടെ മണ്ടത്തരം ! ചൈനീസ് രഹസ്യം ഭാരതത്തിന്റെ കൈകളിൽ

ഇന്ത്യൻ പ്രതിരോധ മേഖലയിൽ ചരിത്രപരമായ ഒരു തന്ത്രപ്രധാന മുന്നേറ്റം കൈവരിച്ചിരിക്കുകയാണ് പ്രതിരോധ ഗവേഷണ വികസന സംഘടനയും (DRDO) ഇന്ത്യൻ വ്യോമസേനയും (IAF). പാകിസ്താൻ വ്യോമസേന ഉപയോഗിക്കുന്ന ഏറ്റവും അത്യാധുനിക ചൈനീസ് നിർമ്മിത ആകാശത്തുനിന്ന് ആകാശത്തേക്ക് തൊടുക്കാവുന്ന ‘പി.എൽ-15ഇ’ (PL-15E) മിസൈലുകളുടെ റഡാർ തരംഗങ്ങൾ, ഫ്രീക്വൻസി മാതൃകകൾ, ഡാറ്റാ-ലിങ്ക് ഫോർമാറ്റുകൾ എന്നിവ ഇന്ത്യൻ ശാസ്ത്രജ്ഞർ വിജയകരമായി ഡീകോഡ് ചെയ്ത് തിരിച്ചറിഞ്ഞു എന്ന വാർത്ത ഇക്കഴിഞ്ഞ മെയ് മാസത്തിൽ പുറത്തു വന്നിരുന്നു. ഫ്രഞ്ച് പ്രതിരോധ മാധ്യമമായ ‘മെറ്റാ-ഡിഫൻസ്’ ആണ് അന്താരാഷ്ട്ര തലത്തിൽ ശ്രദ്ധേയമായ ഈ നിർണ്ണായക വിവരം അന്ന് പുറത്തുവിട്ടത്. വ്യോമാതിർത്തിയിലെ സംഘർഷങ്ങൾക്കിടയിൽ വീണ്ടെടുത്ത യഥാർത്ഥ മിസൈൽ ഹാർഡ്‌വെയറുകൾ നേരിട്ട് പരിശോധിച്ച് ലബോറട്ടറി വിലയിരുത്തലുകൾ നടത്തിയതിലൂടെയാണ് ഇന്ത്യ ഈ നേട്ടം കൈവരിച്ചത്. ഇതോടെ ഈ മിസൈലിന്റെ കണ്ടെത്തൽ, ട്രാക്കിംഗ്, ഗൈഡൻസ് രീതികളെക്കുറിച്ചുള്ള മുൻകാല ആശങ്കകളെല്ലാം പൂർണ്ണമായും ഇല്ലാതാക്കാൻ ഇന്ത്യക്ക് സാധിച്ചു. #drdo #iaf #pl15e #missiledecoded #metadefense #pakistanairforce #chinesemissile #electronicwarfare #indianairforce #radarfreuqency #defenceinnovation #indopakistan #nationalsecurity