കൊച്ചി : കൊടൈക്കനാലിൽ കാണാതായ രണ്ട് മലയാളി യുവാക്കൾക്കായി തെരച്ചിൽ തുടരുന്നു.പ്രദേശത്തെ പൂണ്ടി ഉള്ക്കാട്ടിൽ ചൊവ്വാഴ്ചയാണ് ഈരാറ്റുപേട്ട സ്വദേശികളായ അൽത്താഫിനെയും ഹാഫിസിനെയും കാണാതായത്. രണ്ട് പേരും മൂന്ന് സുഹൃത്തുക്കൾക്കൊപ്പം കൊടൈക്കനാലിലേക്ക് വിനോദയാത്ര പോയതാണ്. തിങ്കളാഴ്ചയാണ് ഇവര് കൊടൈക്കനാലിലേയ്ക്ക് പോയത്. കൂടെപ്പോയ സുഹൃത്തുക്കളെ പൊലീസ് ചോദ്യം ചെയ്തു. സുഹൃത്തുക്കളെ പൊലീസ് ചോദ്യം ചെയ്തു. പൊലീസും ഈരാറ്റുപേട്ടയിൽ നിന്നുള്ള സംഘവും ചേർന്ന് വനത്തിൽ തെരച്ചിൽ നടത്തുകയാണ്. ഈരാറ്റുപേട്ട പൊലീസും കൊടൈക്കനാലിൽ എത്തിയിട്ടുണ്ട്.
അഞ്ച് പേരും ചൊവ്വാഴ്ച വനത്തിൽ പോയിയെന്നും തിരിച്ച് വരുമ്പോൾ രണ്ട് പേർ കൂട്ടം തെറ്റിയെന്നുമാണ് സുഹൃത്തുക്കൾ നൽകിയ മൊഴി. സുഹൃത്തുക്കളുടെ ഈ വാദം പൊലീസ് പൂർണമായും മുഖവിലയ്ക്കെടുത്തിട്ടില്ല.യുവാക്കളുടെ മൊഴിയിൽ പൊരുത്തക്കേടുകൾ ഉണ്ടെന്നാണ് ലഭിക്കുന്ന സൂചന.
ലഹരിയുടെ ഉപയോഗം ഉണ്ടോ എന്ന സംശയവും ഉയരുന്നുണ്ട്. ഈരാറ്റുപേട്ടയിൽ നിന്ന് 40 പേരടങ്ങുന്ന സംഘം കൊടൈക്കനാലിലേക്ക് എത്തുകയും വലിയ തോതിൽ തെരച്ചിൽ തുടരുകയാണ്. അതേസമയം രാത്രി കാട്ടിൽ നിന്ന് കരച്ചിൽ കേട്ടുവെന്നാണ് പ്രദേശത്തുള്ള തൊഴിലാളികൾ പറയുന്നത്. ആ പ്രദേശം കേന്ദ്രീകരിച്ചും തെരച്ചിൽ തുടരുകയാണ്.