മണിപ്പൂർ: കഴിഞ്ഞ ഒരു മാസമായി സംഘർഷാവസ്ഥ നിലനിൽക്കുകയാണ് മണിപ്പൂരിൽ.പരസ്പരം വിട്ട് കൊടുക്കാതെ ഇരുസംഘടനകളും ഏറ്റുമുട്ടുകയാണ്.ഇന്നലെ രാത്രി വീണ്ടും വെടിവയ്പ്പും സ്ഫോടങ്ങളും ഉണ്ടായെന്നാണ് റിപ്പോർട്ട്. ബിഷ്ണുപൂർ ജില്ലയിലെ ക്വാക്തയുടെ തെക്ക് ഭാഗത്ത് വാർഡ് നമ്പർ 9 ന് സമീപമുള്ള ഒരു പാലത്തിൽ ഇംപ്രൊവൈസ്ഡ് എക്സ്പ്ലോസീവ് ഡിവൈസ് (ഐഇഡി) സ്ഫോടനം റിപ്പോർട്ട് ചെയ്തു. പാർക്ക് ചെയ്തിരുന്ന വാഹനത്തിനുള്ളിലാണ് ബോംബ് സ്ഥാപിച്ചതെന്ന് അധികൃതർ പറഞ്ഞു.
അതേസമയം, കാങ്പോക്പി ജില്ലയിൽ വെടിവയ്പ്പുണ്ടായി. പിന്നീട് സുരക്ഷാസേന ഇടപെട്ട് സ്ഥിതിഗതികൾ നിയന്ത്രണവിധേയമാക്കി. എന്നാൽ രാത്രിയിൽ പുലർച്ചെ 2-3 വരെ ഇടവിട്ട് വെടിവയ്പ്പ് തുടർന്നു. അതേസമയം, ഉറംഗ്പത്തിന് സമീപമുള്ള ഇംഫാൽ ഈസ്റ്റ് ജില്ലയിൽ മറ്റൊരു വെടിവയ്പ്പ് റിപ്പോർട്ട് ചെയ്യപ്പെട്ടു. അവിടെ ചെറിയ ഓട്ടോമാറ്റിക് ആയുധങ്ങളിൽ നിന്നുള്ള വെടിയൊച്ചകൾ കേട്ടു. അസം റൈഫിൾസ് സൈന്യം ആക്രമണത്തിന് തിരിച്ചടിക്കുകയും നിയന്ത്രണ വിധേയമാക്കുകയും ചെയ്തെന്നാണ് വിവരം.
