Tuesday, November 17, 2026

വന്ദേഭാരത്തിന്റെ ശുചിമുറിയിൽ വാതിൽ പൂട്ടിയിരുന്ന യുവാവിനെ വാതിൽ പൊളിച്ച് പുറത്തിറക്കി, ശരീരമാകെ രക്തം പൊടിയുന്ന മുറിവുകൾ, റെയിൽവേ പോലീസ് ചോദ്യം ചെയ്യുന്നു

ഷൊർണൂർ : കാസർഗോഡിൽ നിന്ന് തിരുവനന്തപുരത്തേക്ക് വരികയായിരുന്ന വന്ദേഭാരത് എക്സ്പ്രസിലെ ശുചിമുറിയിൽ വാതിലടച്ച് പുറത്തിറങ്ങാതിരുന്ന യാത്രക്കാരനെ പുറത്തെത്തിച്ചു. ഷൊർണൂർ റെയിൽവേ സ്റ്റേഷനിൽ വച്ചാണ് ആർപിഎഫ് ഇയാളെ ശുചിമുറിയുടെ വാതിൽ പൊളിച്ച് പുറത്തിറക്കിയത്.

വന്ദേ ഭാരതിന്റെ ഇ-1 കോച്ചിലെ ശുചിമുറിയുടെ വാതിലാണ് പൂട്ടിയ നിലയിൽ ഉണ്ടായിരുന്നത്. ഉള്ളിൽനിന്ന് കയർ ഉപയോഗിച്ച് വാതിൽ ബന്ധിച്ചാണ് ഇയാൾ ശുചിമുറിയിൽ ഇരുന്നത്. ഇയാളുടെ ദേഹമാസകലം പരുക്കേറ്റ പാടുകളുണ്ട്. ചില മുറിവുകളിൽ നിന്ന് രക്തം പൊടിയുന്നുണ്ടായിരുന്നു .മുംബൈ സ്വദേശിയാണെന്നും ചരൺ എന്നാണ് പേരെന്നും ഇയാൾ ആർപിഎഫിന് മൊഴി നൽകി.

കാസർഗോഡ് സ്റ്റേഷനിൽ നിന്നാണ് ഇയാള്‍ ശുചിമുറിയില്‍ കയറിയത്. ടിക്കറ്റെടുക്കാത്തതിനാല്‍ മനപ്പൂര്‍വം വാതിലടച്ച് ഇരിക്കുന്നതാകാമെന്നും പേടിച്ചിട്ടാകാം വാതില്‍ തുറക്കാത്തതെന്നുമാണ് റെയില്‍വേ പൊലീസ് പറയുന്നത്.

Related Articles

Latest Articles