രാജസ്ഥാൻ: ഭർത്താവിനെയും കുഞ്ഞിനെയും ഉപേക്ഷിച്ച് അമ്മായിയപ്പനൊപ്പം ഒളിച്ചോടി യുവതി.
ബുണ്ടി ജില്ലയിലെ സിലോർ ഗ്രാമത്തിലാണ് നാട്ടുകാരെ അമ്പരപ്പിച്ച സംഭവം നടന്നത്.അച്ഛനെതിരെ
മകൻ പവൻ വൈരാഗി സദർ പോലീസ് സ്റ്റേഷനിൽ പരാതി നൽകി.തന്റെ പിതാവ് രമേഷ് വൈരാഗി
ഭാര്യയോടൊപ്പം ഒളിച്ചോടിയെന്ന് പരാതിയിൽ പറയുന്നു.
തന്റെ ഭാര്യ നിരപരാധിയാണെന്നും പിതാവ് തന്റെ ഭാര്യയെ പ്രലോഭിപ്പിച്ച് കൊണ്ടുപോയതാണെന്നുമാണ് യുവാവിന്റെ പരാതിയിൽ പറയുന്നത്. ഭാര്യയ്ക്കൊപ്പം തന്റെ ബൈക്കും പിതാവ് മോഷ്ടിച്ചതായി ഇയാൾ പറയുന്നു.കൂടാതെ, തന്റെ പിതാവ് ചില നിയമവിരുദ്ധ ജോലിയിൽ ഏർപ്പെട്ടിരുന്നതായും പവൻ ആരോപിക്കുന്നു.യുവതിക്കും പവനും ആറ് മാസം പ്രായമുള്ള ഒരു മകളുണ്ട്.
അതേസമയം, തന്റെ കേസ് പോലീസ് ഗൗരവമായി എടുക്കുന്നില്ലെന്ന് പവൻ ആരോപിച്ചു. എന്നാൽ, പോലീസ് ഇത് തള്ളി. തങ്ങൾ കേസ് ജാഗ്രതയോടെ നോക്കുകയാണെന്നും, മോഷ്ടിച്ച ഇരുചക്രവാഹനത്തിനൊപ്പം ഒളിച്ചോടിയ ദമ്പതികളെ കണ്ടെത്താനുള്ള ശ്രമത്തിലാണെന്നും സദർ സ്റ്റേഷൻ ഓഫീസർ അരവിന്ദ് ഭരദ്വാജ് പറഞ്ഞു.