തിരുവനന്തപുരം:ഇന്ത്യയ്ക്ക് എന്നും തല ഉയർത്തിപിടിക്കാവുന്ന തരത്തിലുള്ള നേട്ടമാണ് കീരവാണി എന്ന മനുഷ്യൻ ‘നാട്ടു നാട്ടു’എന്ന ഗാനത്തിലൂടെ കെട്ടിപ്പടുത്തത്.ഇന്ത്യയിലേക്ക് 2009ന് ശേഷം ഒരു ഇന്ത്യന്‍ സംഗീത സംവിധായകന്‍ ഓസ്കാര്‍ നേടുകയാണ്.നിരവധി രംഗത്തുള്ള പ്രഗത്ഭ വ്യക്തികളാണ് കീരവാണിക്ക് ആശംസയുമായെത്തിയിരിക്കുന്നത്.കീരവാണിയുടെ നേട്ടത്തിൽ സന്തോഷം പങ്ക് വയ്ക്കുകയാണ് ഗായിക കെ എസ് ചിത്ര.ഒരു പാട് സന്തോഷമുള്ള കാര്യമാണിതെന്നും അദ്ദേഹത്തോടൊപ്പം കുറേ ഏറെ പാട്ടുകളില്‍ പങ്കാളിയാകാന്‍ കഴിഞ്ഞതില്‍ സന്തോഷമുണ്ടെന്നും ഏറെ അവാര്‍ഡുകള്‍ വീണ്ടും അദ്ദേഹത്തിന് ലഭിക്കട്ടെയെന്നും നല്ലൊരു സംഗീതജ്ഞൻ എന്നതിലുപരി നല്ലൊരു മനുഷ്യനുമാണ് കീരവാണി എന്നും എല്ലാ തരത്തിലുള്ള സംഗീതവും ചെയ്യുന്ന ഒരു സംഗീത സംവിധായകനാണ് അദ്ദേഹമെന്നും ചിത്ര വ്യക്തമാക്കി.
ചിത്രഗാരു എന്നാണ് കീരവാണി സാര്‍ തന്നെ വിളിക്കാറുള്ളത്. എസ്.പി ബാലസുബ്രഹ്മണ്യവുമായി അടുത്ത ബന്ധമാണ് കീരവാണി സാറിന് ഉണ്ടായിരുന്നത്. താന്‍ ഒരു ഗാനത്തില്‍ നിന്നും ഉദ്ദേശിക്കുന്നതിന്‍റെ പത്തിരട്ടി എസ്.പി.ബി സാര്‍ നല്‍കാറുണ്ടെന്ന് കീരവാണി സാര്‍ പറയുമായിരുന്നു.എന്നെ സംബന്ധിച്ച് ഭാഷ അറിയാത്ത പ്രശ്നം ഉണ്ടായിരുന്നു. എന്നാല്‍ ഒരോ ഗാനവും എന്നെ ഒപ്പം ഇരുത്തി ഒരോ വാക്കിന്‍റെ അര്‍ത്ഥവും പഠിപ്പിച്ചാണ് അദ്ദേഹം പാടിക്കാറുള്ളത്. എന്നൊടൊപ്പം ജോലി ചെയ്യുന്നത് വളരെ കംഫേര്‍ട്ടാണ് എന്നാണ് അദ്ദേഹം പറയാറ്. അദ്ദേഹം പറയുന്നത് ഒരു തര്‍ക്കം ഇല്ലാതെ പാടിക്കൊടുക്കാന്‍ കഴിയാറുള്ളത്.ഇത് ഇന്ത്യക്ക് അഭിമാന നിമിഷം തന്നെയാണെന്ന് ചിത്ര വ്യക്തമാക്കി.
