മലയാളത്തിന്റെ യുവനടൻ ഉണ്ണി മുകുന്ദന്റെ പിറന്നാൾ ആഘോഷമാക്കി താരങ്ങൾ. ജീത്തു ജോസഫ് സംവിധാനം ചെയ്യുന്ന ’12th മാനി’ന്റെ സെറ്റിലായിരുന്നു ഉണ്ണിയുടെ ഇത്തവണത്തെ ബെർത്ത്ഡേ ആഘോഷം. മാത്രമല്ല മോഹൻലാൽ അടക്കമുളള മുഴുവൻ ടീമും ആഘോഷങ്ങളിൽ പങ്കെടുക്കുകയും ചെയിതിട്ടുണ്ട്. ഇതോടെ ഇത്തവണ വളരെ പ്രധാനപ്പെട്ട പിറന്നാൾ സർപ്രൈസ് ആണ് ഉണ്ണിയ്ക്ക് ലഭിച്ചിട്ടുള്ളത്. ആഘോഷത്തിന്റെ വീഡിയോ സോഷ്യൽ മീഡിയയിലൂടെ പുറത്തുവന്നിട്ടുണ്ട്.
അതേസമയം 2016 ൽ പുറത്തിറങ്ങിയ തെലുങ്ക് ചിത്രം ജനത ഗാരേജിൽ മോഹൻലാലിനൊപ്പം ഉണ്ണി മുകുന്ദൻ അഭിനയിച്ചിരുന്നു. ഈ ചിത്രത്തിന് ശേഷം മോഹൻലാലിനൊപ്പം ആദ്യമായിട്ടാണ് ഉണ്ണി മുകുന്ദൻ മലയാള സിനിമയിൽ അഭിനയിക്കുന്നത്. 12th മാനിൽ മുഴുനീള കഥാപാത്രത്തെയാണ് ഉണ്ണി അവതരിപ്പിക്കുന്നത്. മാത്രമല്ല മോഹൻലാലിനെ നായകനാക്കി പൃഥ്വിരാജ് ഒരുക്കുന്ന ബ്രോ ഡാഡിയിലും ഉണ്ണിയുണ്ട്. പൃഥ്വിരാജ്, കുഞ്ചാക്കോ ബോബന്‍, നിവിന്‍ പോളി, ടോവിനോ തോമസ്, അനുശ്രീ, അനു സിത്താര തുടങ്ങി നിരവധി താരങ്ങൾ ഉണ്ണിക്ക് പിറന്നാൾ ആശംസകൾ നേർന്നിട്ടുണ്ട്.
