പാലക്കാട് : മലയാളികൾ ഒന്നടങ്കം നെഞ്ചിലേറ്റിയ സിനിമയാണ് മാളികപ്പുറം.സിനിമ വമ്പൻ ഹിറ്റായതോടെ നിരവധി ആശംസകളും അഭിനന്ദന പ്രവാഹങ്ങളുമാണ് താരത്തെ തേടി എത്തുന്നത്.ചിത്രത്തിന്റെ അപ്രതീക്ഷിതമായ വലിയ വിജയം ആഘോഷമാക്കുകയാണ് സിനിമാ ലോകം.ഇപ്പോഴിതാ, ഉണ്ണി മുകുന്ദന്റെ 75 അടി ഉയരമുള്ള കട്ടൗട്ട് സ്ഥാപിക്കാനൊരുങ്ങുകയാണ് താരത്തിന്റെ ആരാധകർ. പാലക്കാട് പ്രിയദർശിനി തിയേറ്ററിൽ ഇന്ന് വൈകുന്നേരം അഞ്ചു മണിക്ക് കട്ടൗട്ട് ഉയർത്തും. തുടർന്ന് പ്രേക്ഷകർക്കൊപ്പം മാളികപ്പുറത്തിന്റെ വിജയം ആഘോഷിക്കുമെന്നും ഓൾ കേരളാ ഉണ്ണി മുകുന്ദൻ ഫാൻസ് ആന്റ് വെൽഫെയർ അസോസിഷേയൻ അറിയിച്ചു.
അതേസമയം, 145 തിയേറ്ററുകളിൽ റിലീസ് ചെയ്ത ചിത്രം കേരളത്തിലെ 230 ലധികം തിയേറ്ററുകളിലേയ്‌ക്ക് വ്യാപിച്ചിരിക്കുകയാണ്. എങ്ങും ഹൗസ്ഫുൾ ഷോകളാണ് ചിത്രത്തിന് ലഭിക്കുന്നത്. വളരെ അപൂർവ്വമായാണ് മലയാള സിനിമയിൽ ഇത്തരമൊരു വിജയം ലഭിക്കുന്നത്. സിനിമയുടെ തമിഴ്, തെലുങ്ക്, കന്നഡ പതിപ്പുകളും ഉടൻ റീലീസ് ചെയ്യും. ഒരു പാൻ ഇന്ത്യൻ ചിത്രമായി ഹൃദയം കീഴടക്കാൻ ഒരുങ്ങുകയാണ് മാളികപ്പുറം.
