മേപ്പടിയാൻ എന്ന സൂപ്പർഹിറ്റ് ചിത്രത്തിന് ശേഷം ഉണ്ണി മുകുന്ദന് ഫിലിംസിന്റെ ബാനറില് ഉണ്ണി മുകുന്ദന് നിര്മ്മിക്കുന്ന ‘ഷെഫീഖിന്റെ സന്തോഷം’ ഈരാറ്റുപേട്ടയില് ഷൂട്ടിങ് ആരംഭിച്ചു. ഉണ്ണി മുകുന്ദന് , മനോജ് കെ. ജയന്, ബാല, ദിവ്യ പിള്ള, ആത്മീയ രാജന് എന്നിവരെ പ്രധാന കഥാപാത്രങ്ങളാക്കി അനൂപ് പന്തളം തിരക്കഥയെഴുതി സംവിധാനം ചെയ്യുന്ന ആദ്യ ചിത്രമാണിത്.
ഈ ചിത്രത്തില് ഷഹീന് സിദ്ധിക്ക്, മിഥുന് രമേഷ്, സ്മിനു സിജോ, ബോബന് സാമുവല്, ഹരീഷ് പേങ്ങന്, അസീസ് നെടുമങ്ങാട്, പൊള്ളാച്ചി രാജാ, ജോര്ഡി പൂഞ്ഞാര് തുടങ്ങിയവരും അഭിനയിക്കുന്നു. ടൈറ്റില് ക്യാരക്ടറായി ഉണ്ണി മുകുന്ദന് അഭിനയിക്കുന്ന ‘ഷെഫീഖിന്റെ സന്തോഷം’ ഏപ്രില് 16ന് ഈരാറ്റുപേട്ടയില് ചിത്രീകരണം ആരംഭിച്ചു.
രസകരമായ റിയലിസ്റ്റിക് ഫാമിലി എന്റര്ടെയ്നര് എന്ന ആമുഖത്തോടെ അവതരിപ്പിക്കുന്ന ചിത്രം, പാറത്തോട് എന്ന ചെറിയ ഗ്രാമത്തിലെ ഒരു സാധാരണ കുടുംബത്തില് നിന്നുള്ള പ്രവാസിയായായ ഷെഫീഖ് എന്ന യുവാവിനെയാണ് കേന്ദ്രീകരിക്കുന്നത്. മറ്റുള്ളവരെ സഹായിക്കുന്നതിന്റെ സന്തോഷത്തില് അയാള് സന്തോഷം കണ്ടെത്തുന്നു. അതിനായി താന് എന്തും ചെയ്യാന് തയ്യാറാണ്. ഒരു സമ്പൂര്ണ ഫാമിലി എന്റര്ടെയ്നറിന്റെ എല്ലാ ഘടകങ്ങളും സിനിമയിലുണ്ട് എന്ന് അണിയറപ്രവര്ത്തകര് അവകാശപ്പെടുന്നു.
‘എ ഫണ് റിയലസ്റ്റിക് മൂവി’ എന്ന് വിശേഷിപ്പിക്കുന്ന ഈ ചിത്രത്തിന്റെ ഛായാഗ്രഹണം എല്ദൊ ഐസക് നിര്വ്വഹിക്കുന്നു. സംഗീതം- ഷാന് റഹ്മാന്. എഡിറ്റര്- നൗഫല് അബ്ദുള്ള, പ്രൊഡക്ഷന് കണ്ട്രോളര്- വിനോദ് മംഗലത്ത്, പ്രൊഡക്ഷന് ഡിസൈനര്- ശ്യാം കാര്ത്തികേയന്, മേക്കപ്പ്- അരുണ് ആയൂര്, വസ്ത്രാലങ്കാരം- അരുണ് മനോഹര്, സ്റ്റില്സ്-അജി മസ്ക്കറ്റ്, പരസ്യകല- മാ മി ജോ, ചീഫ് അസോസിയേറ്റ് ഡയറക്ടര്-രാകേഷ് കെ. രാജന്, പ്രൊമോഷന് കണ്സള്ട്ടന്റ്- വിപിന് കുമാര് വി., പി.ആര്.ഒ. – എ.എസ്. ദിനേശ്.
