കൊച്ചി: വെണ്ടുരുത്തി പാലത്തില്‍ നിന്നും ചാടിയ യുവാവിന് രക്ഷകനായി എത്തിയത് നാവിക സേന. ഇന്ത്യന്‍ നേവിയുടെ ഫാസ്റ്റ് ഇന്‍റര്‍സെപ്റ്റ് ക്രാഫ്റ്റ് ജീവനക്കാരാണ് യുവാവിനെ രക്ഷിച്ചത്. ഇയാളെക്കുറിച്ചുള്ള കൂടുതൽ വിവരങ്ങള്‍ ലഭ്യമല്ല.
പട്രോളിംഗ് നടത്തുന്നതിനിടെയാണ് യുവാവ് ചാടുന്നത് നാവിക സേനയുടെ ശ്രദ്ധയില്‍പ്പെട്ടത്. ഉടന്‍ തന്നെ യുവാവിനെ രക്ഷിച്ച്‌ പ്രഥമ ശുശ്രൂഷ നല്‍കുകയും സമീപത്തെ ആശുപത്രിയില്‍ പ്രവേശിപ്പിക്കുകയും ചെയ്തു. ഇയാളുടെ ആരോഗ്യം തൃപ്തികരമാണെന്ന് സേന അറിയിച്ചു.
