ദില്ലി : പൗരത്വ ബില്ലിനു പിന്നാലെ നടക്കുന്ന പ്രക്ഷോഭങ്ങളെ തള്ളി ഉപരാഷ്ട്രപതി വെങ്കയ്യ നായിഡു. പ്രക്ഷോഭങ്ങള്ക്കിടെ അക്രമ സംഭവങ്ങള് ഉണ്ടാകുന്നതും പൊതുമുതല് നശിപ്പിക്കുന്നതും ഒഴിവാക്കേണ്ടതാണെന്നും,അക്രമങ്ങൾ അഴിച്ചുവിടുന്നത് ദുഷ്ടശക്തികൾ ആണെന്നും അദ്ദേഹം പറഞ്ഞു
സ്വതന്ത്ര ഇന്ത്യയിലാണ് ജീവിക്കുന്നത് എന്ന തോന്നല് എല്ലാവര്ക്കും ഉണ്ടാകണമെന്നു പറഞ്ഞ വെങ്കയ്യ പൊതുമുതല് നശിപ്പിക്കുമ്പോൾ അത് സ്വന്തം രാജ്യത്തിന്റെ സ്വത്താണ് എന്നും സംരക്ഷിക്കേണ്ടത് നമ്മുടെ കടമയാണ് എന്നും ഓര്ക്കണമെന്നും വ്യക്തമാക്കി.
പ്രതിഷേധങ്ങൾ ഒരിക്കലും അക്രമ സ്വഭാവത്തിലേക്ക് വഴിമാറരുതെന്ന് ആവര്ത്തിച്ച വെങ്കയ്യ നായിഡു അക്രമം ഒന്നിനും ഒരു പരിഹാരമല്ലെന്നും കൂട്ടിച്ചേര്ത്തു.