ഇടതുപാര്ട്ടികള്ക്കെതിരേ ഗുരുതര ആരോപണവുമായി മുന് വിദേശകാര്യ സെക്രട്ടറി വിജയ് ഗോഖലെ.
രാജ്യത്തെ മുഖ്യധാരാ ഇടതുപക്ഷ പാർട്ടികളായ സിപിഎമ്മിനും സിപിഐക്കുമെതിരെ ഞെട്ടിക്കുന്ന വെളിപ്പെടുത്തലുകളുമായി ഗോഖലെ എത്തിയിരിക്കുന്നത്. ഇന്ത്യ അമേരിക്ക ആണവക്കരാര് അട്ടിമറിക്കാന് ചൈന ഇടതുപാര്ട്ടികളെ ഉപയോഗിച്ചെന്നാണ് തന്റെ പുതിയ പുസ്തകമായ “ലോങ് ഗെയിം, ഹൗ ദി ചൈനീസ് നെഗോഷിയേറ്റ് വിത്ത് ഇന്ത്യ”യിൽ വിജയ് ഗോഖലെ വെളിപ്പെടുത്തിയിരിക്കുന്നത്.
39 വര്ഷത്തെ നയതന്ത്ര സര്വ്വീസുള്ള ഗോഖലയെക്ക് ചൈനീസ് ഭാഷയായ മന്ഡാരിനില് നല്ല പ്രാവീണ്യം ഉണ്ട്. 20 വര്ഷത്തിലധികം ചൈനയില് പ്രവര്ത്തിച്ചിട്ടുണ്ട് ഇദ്ദേഹം. ഇതിന്റെ അടിസ്ഥാനത്തിലാണ് ഇന്ത്യയും ചൈനയുമായും ബന്ധപ്പെട്ട ആറ് വിഷയങ്ങളെ മുന് നിര്ത്തി പുതിയ പുസ്തകം പുറത്തിറക്കിയത്. 2007 -2008ലെ യുപിഎ ഭരണകാലത്തെ ചില സംഭവവികാസങ്ങള് മുന് നിര്ത്തിയാണ് ഇടതുപാര്ട്ടികളെ പ്രതിക്കൂട്ടില് നിർത്തിയിരിക്കുന്നത്. ഇന്ത്യ-അമേരിക്ക ആണവകരാറില് ചൈനയ്ക്ക് ആശങ്കയുണ്ടായിരുന്നു.