പ്രശസ്‌ത ക്രിക്കറ്റ് താരം വിരാട് കോലി ടെസ്റ്റ് ക്യാപ്റ്റന്‍ സ്ഥാനം രാജിവച്ചു. ദക്ഷിണാഫ്രിക്കയ്ക്കെതിരായ പരമ്പരയിലെ പരാജയത്തെ തുടര്‍ന്നാണ് തീരുമാനം. മാത്രമല്ല നേരത്തെ ട്വന്റി20 ക്യാപ്റ്റൻ സ്ഥാനം രാജിവച്ചിരുന്നു.തുടർന്ന് ഏറെ വിവാദങ്ങൾക്ക് പിന്നാലെ കോഹ്ലിയെ ഏകദിനത്തിൻറെ ക്യാപ്റ്റൻസിയിൽ നിന്നും ഒഴിവാക്കി.
???????? pic.twitter.com/huBL6zZ7fZ
— Virat Kohli (@imVkohli) January 15, 2022
ട്വിറ്ററിലൂടെയാണ് കോഹ്ലി രാജി അറിയിച്ചത്. കഴിവിന്‍റെ പരമാവധി ടീമിനായി പ്രയത്നിച്ചെന്നാണ് കോലിയുടെ ട്വീറ്റ്. ഇന്ത്യയ്ക്ക് ഏറ്റവുമധികം ടെസ്റ്റ് വിജയങ്ങള്‍ നേടിത്തന്ന ക്യാപ്റ്റനാണ് കോഹ്ലി. 68 മത്സരങ്ങളില്‍ 40ജയങ്ങളാണ് കോഹ്ലി നേടിയത്.
പൂർണ്ണ സത്യസന്ധതയോടെ തന്റെ ജോലി ചെയ്തെന്നും ഒന്നും ബാക്കിവച്ചിട്ടില്ലെന്നും ട്വിറ്ററിൽ താരം കുറിച്ചു. അതേസമയം ആദ്യ ടെസ്റ്റിൽ നേടിയ തകർപ്പൻ വിജയത്തിനുശേഷം രണ്ടും മൂന്നും ടെസ്റ്റുകളിൽ തോൽവി വഴങ്ങിയാണ് ഇന്ത്യ ദക്ഷിണാഫ്രിക്കയ്ക്കെതിരായ പരമ്പര കൈവിട്ടത്.
