തിരുവനന്തപുരം: സ്വാതന്ത്രത്തിന്റെ 75ആം വാർഷികത്തോടനുബന്ധിച്ച് തന്റെ വാർഡിലെ 75 നിർധനരായ പെൺകുട്ടികൾക്ക് സൗജന്യമായി സുകന്യ സമൃദ്ധി പദ്ധതിയുടെ ആദ്യ നിക്ഷേപം അടച്ച് അക്കൗണ്ട് ആരംഭിക്കുകയാണ് വാർഡ് കൗൺസിലർ കരമന അജിത്ത്.
തിരുവനന്തപുരം നഗരസഭയിലെ നെടുങ്കാട് വാർഡ് കൗൺസിലറായ കരമന അജിത്ത് ഭാരതീയ ജനതാ പാർട്ടി തിരുവനന്തപുരം ജില്ലാ വൈസ് പ്രസിഡന്റ് കൂടിയാണ്.
രാജ്യത്തെ പെൺകുട്ടികളുടെ സാമൂഹിക സുരക്ഷക്കായി മോദി സർക്കാർ കൊണ്ടുവന്ന നിക്ഷേപ പദ്ധതിയാണ് സുകന്യ സമൃദ്ധി. പത്തു വയസ്സിനു താഴെയുള്ള പെൺകുട്ടികൾക്കായി രക്ഷകർത്താക്കൾ നടത്തുന്ന നിക്ഷേപമാണത്. പെൺകുട്ടികളുടെ വിദ്യാഭ്യാസ വിവാഹ ആവശ്യങ്ങൾക്കായി ഭാവിയിൽ ഉപയോഗിക്കാവുന്ന സമ്പത്ത് ചെറിയ നിക്ഷേപങ്ങളിലൂടെ സൃഷ്ടിക്കാൻ കഴിയുന്ന പദ്ധതിയാണ് സുകന്യ സമൃദ്ധി. രാജ്യത്തെ എല്ലാ പോസ്റ്റ്‌ ഓഫീസുകളിലും അംഗീകൃത ബാങ്കുകളുടെ ശാഖകളിലും സുകന്യ സമൃദ്ധി അക്കൗണ്ടുകൾ തുടങ്ങാൻ കഴിയും.
അതേസമയം വർഷങ്ങളായി സിപിഐഎം ഭരിക്കുകയായിരുന്ന നെടുങ്കാട് വാർഡിൽ എൽ ഡി എഫിന്റെ മേയർ സ്ഥാനർത്ഥിയെ പരാജയപ്പെടുത്തിയാണ് കരമന അജിത്ത് ബിജെപി ക്ക് വേണ്ടി വാർഡ് പിടിച്ചെടുത്തത്.
