രോഗപ്രതിരോധ ശേഷി കൂട്ടാന്‍ മാത്രമല്ല പല തരത്തിലുള്ള ചര്‍മ്മ പ്രശ്‌നങ്ങള്‍ക്കും ഒരു പ്രധാന പരിഹാര മാര്‍ഗമാണ് വൈറ്റമിന്‍ സി. ഓറഞ്ച്, നാരങ്ങ, സ്‌ട്രോബറി, കിവി, മുന്തിരിങ്ങ തുടങ്ങിയ പഴങ്ങളിലെല്ലാം വൈറ്റമിന്‍ സി ധാരാളം അടങ്ങിയിട്ടുണ്ട്. പല ചര്‍മ്മ സംരക്ഷണ ഉത്പ്പന്നങ്ങളിലും ഈ വൈറ്റമിന്‍ അടങ്ങിയിട്ടുണ്ട്.
വൈറ്റമിന്‍ സിയുടെ ആന്റി ഓക്‌സിഡന്റ് ആന്റി ഇന്‍ഫ്‌ളമേറ്ററി ഘടകങ്ങള്‍ ചര്‍മ്മത്തിന്റെ മൃദുത്വം നിലനിര്‍ത്താനും ചര്‍മ്മം പ്രായമാകുന്നത് തടയാനും സഹായിക്കും. വൈറ്റമിന്‍ സി അടങ്ങുന്ന ഭക്ഷണങ്ങള്‍ ധാരാളം കഴിക്കുകയോ അല്ലെങ്കില്‍ വൈറ്റമിന്‍ സി നിങ്ങളുടെ ചര്‍മ്മ സംരക്ഷണത്തില്‍ ഉള്‍പ്പെടുത്തേണ്ടതും വളരെ പ്രധാനമാണ്.
ചുളിവുകള്‍ മാറ്റുന്നു
ഒരു പ്രായം കഴിഞ്ഞാല്‍ വാര്‍ദ്ധക്യത്തിന്റെ ലക്ഷണങ്ങളായി മുഖത്ത് പാടുകളും ചുളിവുകളുമൊക്കെ വരാറുണ്ട്. പലരെയും അലട്ടുന്ന പ്രശ്‌നമാണിത്. വാര്‍ദ്ധക്യത്തിന് തടഞ്ഞ് നിര്‍ത്താന്‍ കഴിയില്ലെങ്കിലും ചര്‍മ്മത്തിലുണ്ടാകുന്ന മാറ്റങ്ങളെ ഒരു പരിധിവരെ ഇല്ലാതാക്കാന്‍ കഴിയും. വൈറ്റമിന്‍ സി ശരീരത്തിലെ കൊളാജന്‍ വര്‍ധിപ്പിക്കാന്‍ സഹായിക്കും.
സൂര്യപ്രകാശത്തില്‍ നിന്ന് രക്ഷ
തണുപ്പ് കാലമെത്തുന്നതോടെ എല്ലാവരും സണ്‍ സ്‌ക്രീന്‍ (sun screen) ഉപയോഗിക്കുന്നത് കുറയ്ക്കും. പക്ഷെ സൂര്യപ്രകാശം അമിതമായി ഏല്‍ക്കുന്നത് പലപ്പോഴും ചര്‍മ്മത്തെ വളരെ അപകടകരമായി ബാധിച്ചേക്കാം. ചര്‍മ്മത്തില്‍ ചുവപ്പ്, ചര്‍മ്മം വരണ്ട് പോകുക, ടാന്‍ വരിക തുടങ്ങിയ പല പ്രശ്‌നങ്ങള്‍ക്കും കാരണമായേക്കാം. അത് കൊണ്ട് തന്നെ വൈറ്റമിന്‍ സി അടങ്ങിയ യുവി രശ്മികളെ തടുക്കാന്‍ കഴിയുന്ന ക്രീമുകള്‍ ഉപയോഗിക്കേണ്ടത് വളരെ അത്യാവശ്യമാണ്.
ചര്‍മ്മത്തില്‍ ജലാംശം നിലനിര്‍ത്തുന്നു
ചര്‍മ്മം ആരോഗ്യത്തോടെ ഇരിക്കാന്‍ ജലാംശം നിലനിര്‍ത്തേണ്ടത് വളരെ അത്യാവശ്യമാണ്. ചര്‍മ്മം തിളങ്ങാന്‍ ധാരാളം വെള്ളം കുടിക്കണമെന്ന് എല്ലാവരും പറയാറുണ്ട്. ചര്‍മ്മത്തെ മോയ്‌സചറൈസ് ചെയ്യാന്‍ വൈറ്റമിന്‍ സിയ്ക്ക് ഒരു വലിയ പങ്കുണ്ട്. ചര്‍മ്മം വരണ്ട് പോകുന്നത് തടയാന്‍ വൈറ്റമിന്‍ സി സഹായിക്കും. അസ്‌കോര്‍ബിക് ആസിഡാണ് ചര്‍മ്മത്തെ ഈര്‍പ്പമുള്ളതാക്കുകയും വരണ്ടതും കൊഴുപ്പുള്ളതുമാകുന്നത് തടയാന്‍ സഹായിക്കുന്നത്.
വൈറ്റമിന്‍ സി ചര്‍മ്മത്തിന്റെ ഇലാസ്തികതയ്ക്ക് നല്ലതാണ്
ഇറുകിയതും ഉറച്ചതുമായ ചര്‍മ്മം വേണോ? നിങ്ങളുടെ ചര്‍മ്മത്തില്‍ കൊളാജന്‍, എലാസ്റ്റിന്‍ എന്നിവയുടെ രൂപവത്കരണത്തെ ഉത്തേജിപ്പിക്കുന്നതിനാല്‍ വൈറ്റമിന്‍ സി അടങ്ങിയ ഒരു ചര്‍മ്മ സംരക്ഷണ ഉല്‍പ്പന്നം പ്രയോഗിക്കുക. ഇത് നിങ്ങളുടെ ചര്‍മ്മത്തെ മുറുക്കാന്‍ കാരണമാകുന്നു.
വീക്കം കുറയ്ക്കുന്നു
വൈറ്റമിന്‍ സി വീക്കം സംബന്ധമായ ലക്ഷണങ്ങള്‍ കുറയ്ക്കാന്‍ സഹായിക്കുന്നു.
ഇത് ആന്റി-ഇന്‍ഫ്‌ലമേറ്ററിയും ഒരു ആന്റിഓക്സിഡന്റുമാണ്, മാത്രമല്ല വീക്കം സംബന്ധമായ ലക്ഷണങ്ങളായ ചുണങ്ങു, പ്രകോപനം, ചുവപ്പ് എന്നിവ കുറയ്ക്കാന്‍ അവ സഹായിക്കുന്നു.
പിഗ്മെന്റേഷന് കുറയ്ക്കുന്നു
മെലാനിന്‍ ഉല്‍പാദനത്തിലെ വര്‍ദ്ധനവാണ് യഥാര്‍ത്ഥത്തില്‍ ഇരുണ്ട ചര്‍മ്മ പിഗ്മെന്റേഷന് കാരണമാകുന്നത്. ഇത് ചര്‍മ്മത്തിന്റെ ഹൈപ്പര്‍പിഗ്മെന്റേഷന്‍ എന്നും അറിയപ്പെടുന്നു. വൈറ്റമിന്‍ സി ഉപയോഗിക്കുന്നത് ഇരുണ്ട് പാടുകള്‍ മാറ്റി തിളക്കം നല്‍കും. എന്നാല്‍ ഹൈപ്പര്‍പിഗ്മെന്റേഷന്‍ പലപ്പോഴും അപകടകരമല്ല.
മുറിവ് ഉണക്കും
ചെറിയ പരിക്ക് പറ്റിയോ? വൈറ്റമിന്‍ സിയില്‍ അടങ്ങിയിരിക്കുന്ന അസ്‌കോര്‍ബിക് ആസിഡും കൊളാജന്‍ സിന്തസിസ് പ്രോത്സാഹിപ്പിക്കുന്നതിനാല്‍ മുറിവ് ഉണക്കാന്‍ സഹായിക്കുന്നതിനാല്‍ ഈ പ്രകൃതിദത്ത ചേരുവ പരീക്ഷിക്കാവുന്നതാണ്.
