അടുക്കളയിലെ പാറ്റകളുടെ ശല്യം ഏതൊരു വീട്ടമ്മയ്ക്കും വലിയൊരു തലവേദന തന്നെയാണ്. ശുചിത്വമില്ലായ്മ കൊണ്ടോ ഈര്‍പ്പം കൊണ്ടോ എളുപ്പത്തില്‍ കടന്നുകൂടുന്ന ഈ പ്രാണികള്‍, ഭക്ഷണപദാര്‍ത്ഥങ്ങളില്‍ കയറി വന്‍തോതിലുള്ള ആരോഗ്യപ്രശ്‌നങ്ങളും രോഗങ്ങളുമാണ് വിതറുന്നത്. മാര്‍ക്കറ്റില്‍ കിട്ടുന്ന രാസവസ്തുക്കള്‍ കലര്‍ന്ന കീടനാശിനികള്‍ അടുക്കളയില്‍ ഉപയോഗിക്കുന്നത് ചിലപ്പോള്‍ ഭക്ഷണത്തില്‍ വിഷാംശം കലരാന്‍ കാരണമായേക്കാം.
എന്നാല്‍ ഭയപ്പെടേണ്ട! നമ്മുടെ അടുക്കളയിലുള്ള ലളിതമായ ചേരുവകള്‍ ഉപയോഗിച്ച് പൂര്‍ണ്ണമായും സുരക്ഷിതമായി ഈ പാറ്റകളെ തുരത്താന്‍ ചില എളുപ്പവഴികളുണ്ട്. നിങ്ങളുടെ അടുക്കളയിലെ പാറ്റ ശല്യം ശാശ്വതമായി അവസാനിപ്പിക്കാന്‍ സഹായിക്കുന്ന ചില മികച്ച വിദ്യകള്‍ താഴെ പറയുന്നവയാണ്:
- വേപ്പെണ്ണ – വേപ്പെണ്ണ വെള്ളത്തില്‍ കലര്‍ത്തി അടുക്കളയില്‍ അധികമായി പാറ്റയെ കാണുന്ന ഇടങ്ങളില്‍ സ്‌പ്രേ ചെയ്യാം. വളരെ വേഗം പാറ്റയുടെ ശല്യം കുറയും.
- ഓറഞ്ചിന്റെ തൊലി – ഓറഞ്ച് തൊലി ഉണക്കിപൊടിച്ചോ അല്ലാതെയോ പാറ്റകള്‍ അമിതമായി കാണുന്നിടത്ത് വയ്ക്കാം. ഓറഞ്ചിന്റെ ഗന്ധം കൊതുക് പാറ്റ എന്നിവയെ പ്രതിരോധിക്കാന്‍ ഉത്തമമാണ്.
- ബേക്കിങ് സോഡ പഞ്ചസാര – പഞ്ചസാര പൊടിച്ചെടുത്ത് അതിലേയ്ക്ക് ബേക്കിങ് സോഡ ചേര്‍ത്തിളക്കി യോജിപ്പിക്കാം. ഇത് പാറ്റ ശല്യം ഉള്ളിടത്ത് വിതറി കൊടുക്കാം.
- പനികൂര്‍ക്ക ഇല – പനികൂര്‍ക്ക ഇല പൊടിച്ചെടുത്ത് പാറ്റയുടെ ശല്യം അമിതമായി ഉള്ള ഇടങ്ങളില്‍ വയ്ക്കാം.
