ഇടുക്കി; ഇടുക്കിയിൽ കാട്ടാനയുടെ ആക്രമത്തിൽ ഒരാൾ കൊല്ലപ്പെട്ടു.സൂര്യനെല്ലി സിങ്കുകണ്ടം കൃപാ ഭവനിൽ ബാബു (60 ) ആണ് മരിച്ചത്. ഇന്ന് രാവിലെ 6 മണിയോടെയാണ് സംഭവം.സൂര്യനെല്ലി തിരുവള്ളുവർ കോളനിയിലാണ് കാട്ടാനയുടെ ആക്രമണമുണ്ടായത്.
സിങ്കുകണ്ടം ചെക്ക് ഡാം റോഡിന് സമീപമുള്ള വീടിന് മുന്നിൽൽ വച്ചാണ് കാട്ടാന ബാബുവിനെ ആക്രമിച്ചത് .രാവിലെ ചെക്ക്ഡാം ഭാഗത്തേയ്ക്ക് നടക്കാനിറങ്ങിയ ബാബുവിനെ കാട്ടാന പിന്നിൽ നിന്നെത്തി ആക്രമിക്കുകയായിരുന്നു.രാത്രി 12 മണിയോടെ ഈ മേഖലയിലെത്തിയ കാട്ടാന രാവിലെയാണ് ബാബുവിന്റെ വീടിന് സമീപം എത്തിയത്.