അതിരപ്പിള്ളിയില് കാട്ടാനയുടെ (Elephant) ആക്രമണത്തില് മരിച്ച അഞ്ച് വയസുകാരിയുടെ മുത്തച്ഛന്
കുഴഞ്ഞുവീണ് മരിച്ചു. പുത്തന്ച്ചിറ സ്വദേശി ജയന് വീട്ടില് കുഴഞ്ഞുവീഴുകയായിരുന്നു. കാട്ടാന ആക്രമണത്തില് അഞ്ചുവയസ്സുകാരിക്കൊപ്പം ഉണ്ടായിരുന്ന ജയന് കാലിന് പരിക്കേറ്റിരുന്നു.
അതിരപ്പിള്ളിയ്ക്ക് സമീപം കണ്ണക്കുഴിയിലാണ് ഒറ്റയാന്റെ ആക്രമണത്തില് അഞ്ച് വയസുകാരി മരിച്ചത്. പുത്തന്ചിറ സ്വദേശി കാച്ചാട്ടില് നിഖിലിന്റെ മകള് ആഗ്നിമിയയാണ് മരിച്ചത്.കുട്ടിയുടെ അച്ഛന് നിഖിലിനും മുത്തച്ഛന് ജയനും ഒപ്പം ബൈക്കില് സഞ്ചരിക്കുമ്പോഴാണ് ഒറ്റയാന് ആക്രമിച്ചത്.ആന ഇവര്ക്ക് നേരേ തിരിഞ്ഞതോടെ മൂന്നുപേരും ചിതറിയോടി. ഓടുന്നതിനിടയില് കുട്ടിയെ ആന ആക്രമിക്കുകയായിരുന്നു. തലയ്ക്ക് ചവിട്ടേറ്റ കുട്ടിയെ രക്ഷിക്കാന് ശ്രമിക്കുന്നതിനിടയില് അച്ഛന് നിഖിലിനും ജയനും പരിക്കേറ്റിരുന്നു.
