തിരുവനന്തപുരം : കെപിസിസി മുൻ ട്രഷറർ പ്രതാപ ചന്ദ്രന്റെ മരണം അന്വേഷിക്കാൻ ശംഖുമുഖം അസി.കമ്മിഷണറെ നിയോഗിച്ചു. പ്രതാപ ചന്ദ്രന്റെ മരണത്തിൽ, മക്കൾ കഴിഞ്ഞ ദിവസം മുഖ്യമന്ത്രിക്കു പരാതി നല്കിയിരുന്നു. തുടർന്നാണ് അന്വേഷണം പ്രഖ്യാപിച്ചത്.
കോൺഗ്രസ് നേതാക്കൾ നടത്തിയ അപവാദ പ്രചാരണത്തെ തുടർന്നുണ്ടായ മാനസിക വിഷമമാണ് പ്രതാപ ചന്ദ്രന്റെ മരണത്തിനിടയാക്കിയതെന്നാണ് മക്കളുടെ പരാതി. ഡിസംബർ 29ന് ഡിജിപിക്ക് പരാതി നൽകിയെങ്കിലും കോൺഗ്രസ് നേതാക്കളുടെ കടുത്ത സമ്മർദ്ദത്തെത്തുടർന്ന് പരാതി പിൻവലിച്ചു. നടപടിയെടുക്കുമെന്ന ഉറപ്പും കെപിസിസി പ്രസിഡന്റ് നൽകി. എന്നാൽ, തുടർ നടപടികള് പാർട്ടിയിൽനിന്ന് ഉണ്ടാകാത്തതിനെ തുടർന്ന് ഡിജിപിക്കും മുഖ്യമന്ത്രിക്കും വീണ്ടും പരാതി നൽകുകയായിരുന്നു