ദില്ലി; പ്രധാനമന്ത്രി നരേന്ദ്രമോദിയുടെ അമേരിക്കന് സന്ദര്ശനം വൻ വിജയകരമെന്ന് വിദേശകാര്യ മന്ത്രാലയം. വാണിജ്യ, വ്യവസായ, നയതന്ത്ര മേഖലകളില് പുതു ചരിത്രം എഴുതിയെന്ന് വിദേശകാര്യ സെക്രട്ടറി ഹര്ഷ് വര്ധന് ശൃംഗ്ല വ്യക്തമാക്കിയിരിക്കുകയാണ് ഇപ്പോൾ .
അമേരിക്കയുമായി നയതന്ത്രബന്ധങ്ങള് കൂടുതല് ശക്തമായതാണ് അതില് പ്രധാനമെന്ന് വിദേശകാര്യമന്ത്രാലയം പറയുന്നു.കൂടാതെ വാണിജ്യ വ്യാപാര ബന്ധങ്ങള് മെച്ചപ്പെടുത്തുമെന്ന് തീരുമാനിച്ചതിന് പിന്നാലെ പാക്കിസ്ഥാനെതിരായ നിലപാട് പ്രത്യക്ഷത്തില് തന്നെ അമേരിക്ക വ്യക്തമാക്കിയത് ഇന്ത്യയുടെ നയതന്ത്ര വിജയമായാണ് വിലയിരുത്തുന്നത് എന്നും സ്വതന്ത്ര വ്യാപാര കരാറിന് മുന്നിലുള്ള പ്രധാന തടസങ്ങളെല്ലാം വേഗത്തില് ചര്ച്ച ചെയ്ത് പരിഹരിക്കാന് ഇരുരാജ്യങ്ങളും തീരുമാനിച്ചു എന്നതും നേട്ടത്തിന്റെ കാരണമായി.
മാത്രമല്ല ജി ഫോര് രാജ്യങ്ങള് ഒത്തുചേര്ന്ന് ഐക്യരാഷ്ട്രസഭയില് സ്ഥിരാംഗത്വം നേടാന് ശ്രമങ്ങള് ശക്തമാക്കിയതാണ് മറ്റൊരു നേട്ടമെന്നും.ഐക്യരാഷ്ട്രസഭയെ അഭിസംബോധന ചെയ്ത് സംസാരിച്ച പ്രധാനമന്ത്രി നരേന്ദ്രമോദി ഭീകരവാദത്തിനെതിരായ ഇന്ത്യയുടെ ശക്തമായ നിലപാട് ലോകത്തെ അറിയിക്കുകയും അഫ്ഗാനിസ്ഥാനിൽ ചൈനയും പാകിസ്ഥാനും നടത്തുന്ന ഇടപെടലുകള് ലോകരാജ്യങ്ങള്ക്ക് ആകെ ഭീഷണിയാണെന്ന് സന്ദേശം നല്കാന് സാധിച്ചതും ഈ സന്ദര്ശനത്തെ വിജയകരമാക്കി- വിദേശകാര്യമന്ത്രലയം പറയുന്നു