തുറവൂർ: ഗോവൻ മദ്യവുമായി യുവാവ് പിടിയിൽ. 11.25 ലിറ്റർ മദ്യവുമായി ചെല്ലാനം സ്വദേശി റാഫേൽ ജോണാണ് എക്സൈസിന്റെ പിടിയിലായത്. 15 കുപ്പിയാണ് കുത്തിയതോട് എക്സൈസ് റേഞ്ച് ഇൻസ്പെക്ടർ വി. എസ്. സുനിൽകുമാറിന്റെ നേതൃത്വത്തിലുളള സംഘം ഇയാളിൽ നിന്നും പിടികൂടിയത്.
എരമല്ലൂർ, എഴുപുന്ന എന്നീ ഭാഗങ്ങളിലെ കല്യാണവീടുകൾ കേന്ദ്രീകരിച്ച് മദ്യം വിൽപന നടത്താനായിരുന്നു ഇയാളുടെ ഉദ്ദേശം. അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
