ബെംഗളൂരു : കർണാടക മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായ സിദ്ധരാമയ്യയ്ക്ക് കോവിഡ് സ്ഥിരീകരിച്ചു. ബെംഗളൂരുവിലെ മണിപ്പാൽ ആശുപത്രിയിൽ ചികിത്സയിലാണ് അദ്ദേഹമിപ്പോൾ . തനിക്ക് രോഗം സ്ഥിരീകരിച്ച വിവരം സിദ്ധരാമയ്യ തന്നെയാണ് അറിയിച്ചിരിക്കുന്നത് . ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത് .
താനുമായി സമ്പർക്കത്തിലേർപ്പെട്ടവർ നിരീക്ഷണത്തിൽ പോകണമെന്ന് അദ്ദേഹം ട്വീറ്റ് ചെയ്തു. എന്നാൽ, എവിടെ നിന്നാണ് രോഗം പകർന്നതെന്ന് വ്യക്തമല്ല. കഴിഞ്ഞ ദിവസം അദ്ദേഹത്തിന് കോവിഡ് ടെസ്റ്റ് നടത്തിയിരുന്നു. കര്‍ണാടക മുഖ്യമന്ത്രി ബി.എസ് യെദിയൂരപ്പയ്ക്കും നേരത്തെ കൊവിഡ് സ്ഥിരീകരിച്ചിരുന്നു. അദ്ദേഹവും ഇതേ ആശുപത്രിയില്‍ ചികിത്സയിലാണ്.
