തിരുവനന്തപുരം : ലോക്ക്ഡൗണ്‍ ലംഘിച്ചതിന് കോണ്‍ഗ്രസ് നേതാവും എംപിയുമായ അടൂര്‍ പ്രകാശിനെതിരെ പൊലീസ് കേസെടുത്തു. നെടുമങ്ങാട് കോടതി സമുച്ചയത്തില്‍ ഭഷ്യധാന്യ കിറ്റ് വിതരണം ചെയ്ത സംഭവത്തിൽ അഞ്ചില്‍ കൂടുതല്‍ ആളുകള്‍ കൂട്ടം കൂടരുതെന്ന ഉത്തരവ് ലംഘിച്ചതിനെത്തുടര്‍ന്നാണ് നടപടി .
കിറ്റ് വിതരണ ചടങ്ങില്‍ ഇരുനൂറിലധികം പേര്‍ ഒത്തുകൂടിയെന്നാണ് പോലീസ് പറയുന്നത്. ചടങ്ങ് ലോക്ക്ഡൗണ്‍ നിയന്ത്രണത്തിന്‍റെ ലംഘനമാണെന്നും പോലീസ് വ്യക്തമാക്കി . ചടങ്ങിന്‍റെ വീഡിയോ ദൃശ്യങ്ങള്‍ ചാനലുകള്‍ പുറത്തുവിട്ടിരുന്നു. എന്നാല്‍ , ലോക്ക്ഡൗണ്‍ നിയന്ത്രണം ലംഘിച്ചെന്ന ആരോപണം അടൂര്‍ പ്രകാശ് നിഷേധിച്ചു . ചട്ടം പാലിച്ചാണ് കിറ്റ് വിതരണം നടത്തിയതെന്നാണ് അദ്ദേഹത്തിന്റെ വിശദീകരണം .
