ദുബായ്: കൊവിഡ് 19 ഏല്പ്പിക്കുന്ന ആഘാതങ്ങള് ചര്ച്ച ചെയ്യാനും നടപടികള് സ്വീകരിക്കുന്നതിനുമായി ജി 20 രാജ്യങ്ങളുടെ അടിയന്തിര യോഗം ചേരുന്നു. വീഡിയോ കോണ്ഫറന്സിലൂടെയാണ് യോഗം. സൗദി ഭരണാധികാരി സല്മാന്
രാജാവ് അധ്യക്ഷത വഹിക്കുന്ന യോഗത്തിൽ ഇന്ത്യന് പ്രധാനമന്ത്രി നരേന്ദ്ര മോഡിയും പങ്കെടുക്കും.
വീഡിയോ കോണ്ഫറന്സിലൂടെയുള്ള അസാധാരണ യോഗം ചേരാനുള്ള തീരുമാനം എല്ലാ അംഗ രാജ്യങ്ങളെയും അധ്യക്ഷ സ്ഥാനത്തുള്ള സൗദി നേരത്തെ അറിയിച്ചിരുന്നു.
ലോകാരോഗ്യ സംഘടന ആഗോള മഹാമാരിയായി പ്രഖ്യാപിച്ച കോവിഡിന്റെ ആഘാതം തടയാനുള്ള അടിയന്തര നടപടികള് അന്താരാഷ്ട്ര സംഘടനകളുമായി ചേര്ന്ന് ജി 20 ഉച്ചകോടിയില് തീരുമാനിക്കും. ധനകാര്യ മന്ത്രിമാരും കേന്ദ്ര ബാങ്ക് ഗവര്ണര്മാരും മുതിര്ന്ന ആരോഗ്യ, വിദേശകാര്യ ഉദ്യോഗസ്ഥരും കൈക്കൊള്ളുന്ന നടപടികള് ഉച്ചകോടിയില് ചര്ച്ചയാകും.