തിരുവനന്തപുരം : അനനധികൃതമായി സ്വത്ത് സമ്പാദിച്ചെന്ന ആരോപണത്തില്‍ മുന്‍ വിജിലന്‍സ് ഡയറക്ടര്‍ ജേക്കബ് തോമസിനെതിരെ കേസെടുക്കാന്‍ സര്‍ക്കാര്‍ അനുമതി. അടുത്ത മാസം 30 ന് സര്‍വീസില്‍നിന്നും വിരമിക്കാനിരിക്കെയാണ് ജേക്കബ് തോമസിനെതിരെ വീണ്ടും അന്വേഷണം.
കണ്ണൂര്‍ സ്വദേശിയുടെ പരാതിയിലാണ് സര്‍ക്കാര്‍ അന്വേഷണത്തിന് ഉത്തരവിട്ടത്. ബിനാമി പേരില്‍ തമിഴ്‌നാട്ടില്‍ ഭൂമി വാങ്ങിക്കൂട്ടി എന്നാണ് കേസ്.ഇത് സംബന്ധിച്ച്‌ ക്രൈംബ്രാഞ്ച് ശനിയാഴ്ച കേസ് രജിസ്റ്റര്‍ ചെയ്യുമെന്നാണ് സൂചന. ഇതേപരാതിയില്‍ നേരത്തെ, ജേക്കബ് തോമസിന് എതിരെ ക്രൈംബ്രാഞ്ച് അന്വേഷണത്തിന് സര്‍ക്കാര്‍ അനുമതി നല്‍കിയിരുന്നു.ഇതോടെയാണ് ജേക്കബ് തോമസിനെ വീണ്ടും സസ്പെന്‍ഡ് ചെയ്യാനുള്ള നീക്കം നടക്കുന്നത്. നിലവില്‍ മെ‍‍‌റ്റല്‍ ഇന്‍ട്രസ്ട്രീസ് എംഡിയാണ് ജേക്കബ് തോമസ്.
