ദുബായിലേക്ക് മടങ്ങിയെത്തുന്ന താമസ വിസക്കാർക്ക് ദുബായ് വിമാനത്താവളത്തിൽ കർശന കോവിഡ് പരിശോധനയ്ക്ക് ഉത്തരവായി . ദുബായ് ഭരണകൂടത്തിന്റേതാണ് ഉത്തരവ് . വിമാനമിറങ്ങിയ ഉടന്‍ covid 19 dxb ആപ്പ് ഡൗണ്‍ലോഡ് ചെയ്യണം. പിസിആര്‍ ഫലം ലഭിക്കുന്നതുവരെ ദുബായിലെത്തിയവര്‍ വീട്ടില്‍ നിന്ന് പുറത്തിറങ്ങരുതെന്നും രോഗമുണ്ടെന്ന് കണ്ടാല്‍ 14 ദിവസം ക്വാറന്റീനിലായിരിക്കണമെന്നും ഉത്തരവിൽ പറയുന്നു.
അതേസമയം, വിമാന സര്‍വ്വീസുകള്‍ സാധാരണ ഗതിയിലാകാത്തതിനെ തുടർന്ന് യുഎഇയിലേക്ക് മടങ്ങാനിരിക്കുന്ന മലയാളികള്‍ ഇനിയും കാത്തിരിക്കേണ്ടി വരും. മലയാളികളുടെ മടക്കം സാധ്യമാക്കാനായി ദുബായിലേക്ക് ഉടന്‍ വിമാന സര്‍വീസ് ആരംഭിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്രമോദിക്ക് കത്തയച്ചു.
