തിരുവനന്തപുരം :കൊറോണ കാലത്ത് സ്വന്തം ജീവനും ജീവിതവും പണയം വെച്ച് പ്രവര്ത്തിക്കുന്ന നേഴ്സുമാര്ക്ക് ആദരമര്പ്പിച്ച് നടന് മമ്മൂട്ടി. അവരുടെ ഈ സമര്പ്പണത്തിന് പകരം വയ്ക്കാന് ഒന്നുമില്ലെന്നും എന്നാല് നമ്മുടെ ആരോഗ്യം നോക്കുന്ന അവരുടെ ആരോഗ്യം നമ്മള് നോക്കണമെന്ന് മമ്മൂട്ടി പറഞ്ഞു.
ലോകത്തിലെ ഓരോ നഴ്സുമാരും വീട്ടില് നിന്നും മാറി നില്ക്കുകയാണ്. ഉറ്റവരെ കാണാതെ അവരുടെ മുഖം കാണാതെ രോഗികള്ക്കൊപ്പം അവര് ചെലവഴിക്കുന്നു. അവരുടെ ആരോഗ്യം കൂടി നമ്മള് കാക്കണം. എല്ലാവരും വീട്ടില് തന്നെ ഇരിക്കണം.
ഞാന് വീട്ടിലാണ്. മകനും മകളും കൊച്ചുമക്കളും ഒപ്പമുണ്ട്.മരുമകന് ആരോഗ്യപ്രവര്ത്തകനാണ്. അദ്ദേഹം ബെംഗളൂരുവിലാണ്.നമ്മുടെ എല്ലാവരും നമ്മുടെ കൂടെയുണ്ട് ഈ കാലത്തും. പക്ഷേ നഴ്സുമാര്ക്ക് പക്ഷേ ഇതൊന്നുമില്ല. വേവലാതികള് മാത്രമാണ് അവര്ക്ക്. അവരെക്കുറിച്ചും അവരുടെ ഉറ്റവരെയും ഓര്ത്ത് അവര്ക്ക് വേവലാതിയാണ്. വാക്കു കൊണ്ട് നന്ദി പറഞ്ഞത് കൊണ്ട് കാര്യമില്ല. അവരോടുള്ള കരുതല് മെറ്റീരിയലൈസ് ചെയ്യണം. അവരുടെ സമര്പ്പണത്തിന് പകരം വെയ്ക്കാന് ഒന്നുമില്ല. അവരെയും നമ്മള് കരുതണം മമ്മൂട്ടി പറഞ്ഞു.