കേരളാ ഹിന്ദൂസ് ഓഫ് നോർത്ത് അമേരിക്ക ( കെഎച്ച്എൻഎ ) 2021ൽ നടത്തുന്ന ആഗോള കൺവൻഷന് മുന്നോടിയായി ‘പുനർജനി; സനാതന ധർമ്മത്തിലേക്ക് ഒരു മടക്കയാത്ര’ എന്ന പ്രത്യേക വെബിനാർ നാളെ (ഞായറാഴ്ച) നടക്കും. ഇന്ത്യൻ സമയം രാത്രി 9:30 നാണ് പരിപാടി. വെബിനാർ തത്വമയി ന്യൂസിലും തത്വമയി ടിവിയിലും തത്സമയം സംപ്രേഷണംചെയ്യും.
കെഎച്ച്എൻഎ വനിതാ കൂട്ടായ്മയാണ് വെബിനാറിൻ്റെ സംഘാടകർ. പ്രലോഭനങ്ങൾക്കടിമപ്പെട്ട് ഹിന്ദു മതത്തിൽ നിന്ന് മറ്റ് മതങ്ങളിലേക്ക് പോകുകയും, പിന്നീട് സനാതന ധർമ്മത്തിൻ്റെ അന്തസത്തയും നന്മയും തിരിച്ചറിഞ്ഞ് സ്വധർമ്മത്തിലേക്ക് മടങ്ങിവരികയും ചെയ്തവർ തങ്ങളുടെ അനുഭവങ്ങൾ പങ്കുവയ്ക്കുന്ന പരിപാടിയിൽ തൃപ്പൂണിത്തുറ ആർഷ വിദ്യാ സമാജം ഡയറക്ടർ, ആചാര്യ മനോജ് ജി മുഖ്യാതിഥിയാകും.
ആർഷ വിദ്യാ സമാജത്തിൻ്റെ സഹായത്തോടെ സ്വധർമ്മത്തിലേക്ക് മടങ്ങിവന്ന ചിത്ര. ജി. കൃഷ്ണൻ, ശ്രുതി, ശാന്തി കൃഷ്ണ, വൈശാലി ഷെട്ടി, ആതിര എസ്, രുദ്ര മഞ്ചേരി, ഡോ. മിഥുൻ എന്നിവർ പരിപാടിയിൽ തങ്ങളുടെ അനുഭവങ്ങൾ പങ്കുവയ്ക്കും.
