ദില്ലി : രാജ്യത്ത് കൊറോണ വൈറസ് വ്യാപിക്കുന്ന സാഹചര്യത്തിൽ ജീവൻ പോലും നോക്കാതെ പ്രവർത്തിക്കുന്ന നഴ്സുമാര്ക്ക് ആദരവറിയിച്ച് പ്രധാനമന്ത്രി നരേന്ദ്ര മോദി . കൊറോണ വൈറസ് ബാധിച്ച ചികിത്സയിൽ കഴിയുന്ന ആളുകളെ നോക്കുന്ന പൂനയിലെ നായിഡു ആശുപത്രിയിലെ നഴ്സിനെ നേരിട്ട് ഫോണില് വിളിച്ചാണ് പ്രധാനമന്ത്രി നന്ദി അറിയിച്ചത്.
കോവിഡ് വ്യാപനം തടയുന്നതിനായി നഴ്സുമാരും ആശുപത്രി ജീവനക്കാരും നടത്തുന്ന പ്രവര്ത്തനങ്ങള്ക്കും അദ്ദേഹം നന്ദി അറിയിച്ചു. വെള്ളിയാഴ്ചയാണ് ഛായ ജഗ്താപ് എന്ന നഴ്സിന് പ്രധാനമന്ത്രിയുടെ ഓഫീസില് നിന്ന് ഫോണ്കോള് വന്നത്.
തന്റെ കുടുംബത്തെ കുറിച്ച് തനിക്ക് ആശങ്കയുണ്ട്. പക്ഷേ ഈ സമയത്ത് രോഗികള്ക്ക് പരിചരണം നല്കേണ്ടതുണ്ട്. എല്ലാം നന്നായി കൈകാര്യം ചെയ്യാനാകുന്നുവെന്ന് ഛായ മറുപടി നല്കി.