ലോക്ക്ഡൗൺ മലയാളമടക്കമുളള സിനിമാ വ്യവസായത്തെ പ്രതികൂലമായി ബാധിച്ചിട്ടുണ്ട്. ഷൂട്ടിങ്ങുകള് നിർത്തിവച്ചതോടെ നൂറുകണക്കിന് കോടി രൂപയാണ് മലയാള സിനിമയ്ക്കു മാത്രം നഷ്ടം. നൂറു കോടി ചെലവിൽ നിർമ്മിച്ച മോഹൻലാൽ ചിത്രം മരയ്ക്കാര് – അറബിക്കടലിന്റെ സിംഹം എന്ന ചിത്രം അടക്കമുള്ളവയാണ് പെട്ടിയിലായിരിക്കുന്നത്.
ഈ സിനിമകൾ എന്ന് തിയെറ്ററുകളില് എത്തുമെന്ന് പറയാനാകാത്ത അവസ്ഥയാണ്. വേനലവധിക്കാലം സിനിമയ്ക്കു നല്ല കാലമാകേണ്ടതാണ്. സിനിമകൾ പുറത്തിറക്കാനാകാതെ ആശങ്കയിലാണ് അണിയറപ്രവർത്തകർ.