തിരുവനന്തപുരം: ഇന്ന് സംസ്ഥാനത്ത് ഏഴു പേര്ക്കുകൂടി കോവിഡ് 19 സ്ഥിരീകരിച്ചു. തിരുവനന്തപുരം, കാസര്ഗോഡ് ജില്ലകളില് രണ്ടു പേര്ക്കും കൊല്ലം, കണ്ണൂര്, തൃശൂര് ജില്ലകളില് ഓരോരുത്തര്ക്കുമാണ് ഇന്ന് വൈറസ് ബാധ സ്ഥിരീകരിച്ചതെന്നും മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു. ഇതോടെ സംസ്ഥാനത്ത് വൈറസ് ബാധിച്ചവരുടെ എണ്ണം 215 ആയി. 1,69,129 പേര് സംസ്ഥാനത്ത് നിരീക്ഷണത്തില് കഴിയുന്നുണ്ട്. ഇതില് 1,62,471 പേര് വീടുകളിലും 658 പേര് ആശുപത്രികളിലുമാണ് കഴിയുന്നത്. പത്തനംതിട്ട, കണ്ണൂര് ജില്ലകളില് രണ്ടു പേരുടെ വീതം പരിശോധനാ ഫലം നെഗറ്റീവായി. ഇന്നു മാത്രം 150 പേരെ ആശുപത്രിയില് പ്രവേശിപ്പിച്ചു. 7,485 സാമ്പിളുകള് പരിശോധനയ്ക്ക് അയച്ചു. ഇതില് 6,381 പേര്ക്ക് രോഗബാധയില്ലെന്ന് സ്ഥിരീകരിച്ചതായും മുഖ്യമന്ത്രി പറഞ്ഞു.