ദില്ലി: ഇത്തവണത്തെ ലോക്സഭാ തെരഞ്ഞെടുപ്പിൽ പ്രിയങ്കാ ഗാന്ധി മത്സരിക്കില്ല. അമേഠിയിലോ സോണിയാ ഗാന്ധി നിലവിലെ എംപിയായിരുന്ന റായ്ബറേലിയോ പ്രിയങ്ക ഗാന്ധി മത്സരിക്കില്ലെന്നുറപ്പായി. രണ്ടു മണ്ഡലങ്ങളിലെ സ്ഥാനാർത്ഥിത്വവുമായി ബന്ധപ്പെട്ട് രാഹുല് ഗാന്ധിയുമായുള്ള അവസാന വട്ട ചര്ച്ചകൾ പുരോഗമിക്കുകയാണ്. വയനാടിനൊപ്പം റായ്ബറേലിയോ അമേഠിയിലോ മത്സരിക്കുമെന്നാണ് സൂചന. ഇത് സംബന്ധിച്ച് രാഹുൽ നിബന്ധനകൾ മുന്നോട്ട് വച്ചതായുള്ള റിപ്പോർട്ടുകൾ കഴിഞ്ഞ ദിവസം പുറത്തു വന്നിരുന്നു.അമേഠിയിലോ റായ്ബറേലിയിലോ മത്സരിച്ച് വിജയിച്ചാലും വയനാടിനെ കയ്യൊഴിയില്ലെന്ന് രാഹുല് ഗാന്ധി പറഞ്ഞതായാണ് ഖര്ഗെ സൂചിപ്പിച്ചിരുന്നത്.
അതേസമയം ഈ മണ്ഡലങ്ങളിൽ നാമനിര്ദേശപത്രിക സമര്പ്പിക്കേണ്ട അവസാന തീയതി നാളെയാണ്.