തിരുവനന്തപുരം: സംസ്ഥാനത്ത് വിവിധ ഭാഗങ്ങളിലായി മഴ കനക്കുന്നു. മലയോരമേഖലയില് മഴ ശക്തമായി തുടരുകയാണ്. ചൊവ്വാഴ്ച രാത്രി തുടങ്ങിയ മഴ ഇപ്പോഴും തുടരുന്നു. ഇന്ന് മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ചും, ആലപ്പുഴ, കോട്ടയം, എറണാകുളം, തൃശൂര്, പാലക്കാട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.ഒറ്റപ്പെട്ടയിടങ്ങളില് അതിശക്തമായ മഴയുണ്ടായേക്കാം. 24 മണിക്കൂറില് 115.6 മുതല് 204.4 മി.മീ വരെ മഴ ലഭിക്കും.
അതേസമയം , ഏത് സാഹചര്യവും നേരിടാന് തയാറായിരിക്കാന് പൊലീസിന് ഡി ജി പി നിര്ദേശം നല്കി. സായുധ പൊലീസ് സേനയ്ക്കും നിര്ദേശം നല്കിയിട്ടുണ്ട്. മഴ മുന്നറിയിപ്പ് നല്കിയിട്ടുള്ള സ്റ്റേഷനുകള്ക്ക് പ്രത്യേക നിര്ദേശം. കോവിഡ് പ്രോട്ടോക്കോള് പാലിച്ച് മാത്രം രക്ഷാപ്രവര്ത്തനം നടത്തണമെന്നും ഡി ജി പി വ്യക്തമാക്കി.