Thursday, November 19, 2026

പതിനൊന്നുവയസ്സുകാരിയെ ലൈംഗിക ചൂഷണത്തിനിരയാക്കി; മദ്രസ അദ്ധ്യാപകന്‍ അറസ്റ്റില്‍

കാസര്‍ഗോഡ്: പതിനൊന്നുവയസ്സുകാരിയെ ലൈംഗിക ചൂഷണത്തിനിരയാക്കിയ മദ്രസ അദ്ധ്യാപകന്‍ അറസ്റ്റില്‍. മൂന്ന് യുവാക്കള്‍ പീഡിപ്പിച്ചുവെന്ന് പരാതിപ്പെട്ട പെണ്‍കുട്ടിയെ കൗണ്‍സിലിംഗിന് വിധേയയാക്കിയപ്പോഴാണ് മദ്രസ അധ്യാപകന്റെ പീഡന വിവരം പുറത്തറിയുന്നത്. പതിനൊന്ന് വയസുള്ളപ്പോള്‍ മദ്രസ അദ്ധ്യാപകന്‍ തന്നെ ലൈംഗികമായി ചൂഷണം ചെയ്തുവെന്നായിരുന്നു പെണ്‍കുട്ടി കൗണ്‍സിലിംഗിനിടെ വെളിപ്പെടുത്തിയത്. തുടർന്ന് മദ്രസ അദ്ധ്യാപകനായ അഷ്‌റഫിനെ (41) പോലീസ് അറസ്റ്റ് ചെയ്തു.

പതിനഞ്ച് വയസുകാരിയായ പെണ്‍കുട്ടി ആണ് പരാതിക്കാരി. സമൂഹ മാധ്യമം വഴി പരിചയപ്പെട്ട മൂന്ന് യുവാക്കള്‍ തന്നെ ലൈംഗികമായി പീഡിപ്പിച്ചു എന്നായിരുന്നു പെണ്‍കുട്ടിയുടെ പരാതി. പെണ്‍കുട്ടിയുടെ മാനസിക നിലയില്‍ അസ്വസ്ഥതകള്‍ ഉണ്ടെന്ന് മനസിലാക്കിയ അധ്യാപിക പെണ്‍കുട്ടിയെ കൗണ്‍സിലിംഗിന് വിധേയയാക്കി. അപ്പോഴാണ് ഞെട്ടിക്കുന്ന പീഡന വിവരം പുറത്തറിഞ്ഞത്.

തുടർന്ന് പോക്സോ വകുപ്പ് പ്രകാരം യുവാക്കള്‍ക്കെതിരേ കേസ് രജിസ്റ്റര്‍ ചെയ്തു. ഒരാളെ പോലീസ് പിടികൂടുകയും ചെയ്തു. ഇതിനിടയിലാണ് മദ്രസ അധ്യാപകനും തന്നെ പീഡിപ്പിച്ചിരുന്നു എന്ന വിവരം പെണ്‍കുട്ടി വെളിപ്പെടുത്തിയത്. ഇയാള്‍ക്കെതിരെയും പോക്സോ വകുപ്പുകള്‍ ചുമത്തി അറസ്റ്റ് ചെയ്യുകയായിരുന്നു.

Related Articles

Latest Articles