ശ്രീനഗർ: കശ്മീരിൽ (Jammu Kashmir) വീണ്ടും സൈന്യവും ഭീകരരുമായി ഏറ്റുമുട്ടൽ. ഹൈദർപോറ മേഖലയിലാണ് ഏറ്റുമുട്ടൽ നടന്നുകൊണ്ടിരിക്കുന്നത്. ഏറ്റുമുട്ടലിനിടെ രണ്ടു ഭീകരരെ സൈന്യം വധിച്ചു. ഭീകരർ ഒളിച്ചിരിക്കുന്നു എന്ന സൂചന ലഭിച്ച മേഖല സൈന്യം വളയുകയായിരുന്നു. എത്രപേർ സംഘത്തിലുണ്ട് എന്ന് വ്യക്തമായിട്ടില്ലെന്ന് ശ്രീനഗർ സി.ആർ.പി.എഫ് ഉദ്യോഗസ്ഥർ അറിയിച്ചു.
ഇതിനിടെ ഏറ്റുമുട്ടലിനിടെ ഭീകരർ ഒളിച്ചിരുന്ന വീടിന്റെ ഉടമസ്ഥൻ വെടിയേറ്റ് മരിച്ചെന്നും സൈന്യം അറിയിച്ചു. മേഖല വളഞ്ഞ സൈന്യത്തിന് നേരെ വെടിയുതിർത്ത ഭീകരരാണ് സൈന്യത്തിന്റെ പ്രത്യാക്രമണത്തിൽ കൊല്ലപ്പെട്ടത്. വധിക്കപ്പെട്ട ഭീകരർ ആരൊക്കെയെന്ന് വ്യക്തമായിട്ടില്ലെന്നും ജമ്മുകശ്മീർ പോലീസ് അറിയിച്ചു. ഏറ്റുമുട്ടൽ ഇപ്പോഴും തുടരുകയാണ്. കൂടുതൽ ഭീകരർ ഉടൻ പിടിയിലാകുമെന്നാണ് വിവരം.
