ദില്ലി: കുവൈറ്റില്‍ തടവിലാക്കപ്പെട്ട മലയാളികള്‍ ഉള്‍പ്പെടെയുളള നഴ്‌സുമാരെ മോചിപ്പിച്ച് നരേന്ദ്രമോദി സർക്കാർ. മോചിപ്പിക്കപ്പെട്ട 60 പേരില്‍ 34 പേര്‍ ഇന്ത്യക്കാരാണ്. ഇതില്‍ 19 മലയാളികളുണ്ട്. വിദേശകാര്യ സഹമന്ത്രി വി.മുരളീധരന്റെ ഇടപെടലാണ് ഇവരുടെ മോചനത്തിന് വഴി തെളിച്ചത്. 23 ദിവസമായി നഴ്‌സുമാരും മറ്റ് ആരോഗ്യ പ്രവർത്തകരും തടവിൽ കഴിയുകയായിരുന്നു. തുടർന്ന് കേന്ദ്ര സർക്കാർ ഇടപെടലിനൊടുവിൽ മോചനം സാദ്ധ്യമാകുകയായിരുന്നു.
ഇന്ത്യയുടെ വിശദീകരണം അംഗീകരിക്കുകയും മനുഷ്യത്വപരമായ സമീപനം സ്വീകരിക്കുകയും ചെയ്ത കുവൈത്ത് അധികാരികൾക്ക് വിദേശകാര്യ സഹമന്ത്രി നന്ദി രേഖപ്പെടുത്തി. ലോകത്തെവിടെയും ഭാരതീയ പൗരൻമാരുടെ ക്ഷേമവും സുരക്ഷയും ഉറപ്പാക്കാൻ നരേന്ദ്രമോദി സർക്കാർ പ്രതിജ്ഞാബദ്ധമാണെന്ന് മുരളീധരൻ ഫേസ്ബുക്കിൽ കുറിച്ചു.
