ആറന്മുള: മെയ് 10 മുതൽ 17 വരെ തിരുവാറന്മുള ശ്രീ പാർത്ഥസാരഥി മഹാക്ഷേത്ര സന്നിധിയിൽ അരങ്ങേറുന്ന മൂന്നാമത് അഖില ഭാരത പാണ്ഡവീയ മഹാവിഷ്ണു സത്രത്തിന് മുന്നോടിയായി ക്ഷേത്രസന്നിധിയിൽ 51 ദിവസം നീണ്ടു നിൽക്കുന്ന പാരായണ യജ്ഞത്തിന്റെ 38 – ആം ദിനമായ ഇന്ന് രാവിലെ മുതൽ പൗർണ്ണമി നാരായണീയ സമിതി, ഇടയോടിക്കാവിന്റെ നേതൃത്വത്തിൽ സമ്പൂർണ്ണ നാരായണീയം പാരായണം നടന്നു.
ബോംബെ ബാബ ആട്ടോമിക് റിസർച്ച് സെന്ററിലെ Rtd. സൈന്റിഫിക് ഓഫീസറായ തങ്കമണി നായർ നാമജപ യജ്ഞത്തിന് ഭദ്രദീപം തെളിയിച്ചു.
ബി . രാധാകൃഷ്ണ മേനോൻ ചെയർമാനും കെ. ബി സുധീർ ജനറൽ കൺവീനറും കെ. ആർ രാജേഷ് കൺവീനറുമായ വി. സുരേഷ് കുമാർ പബ്ലിസിറ്റി കൺവീനറുമായ പഞ്ചപാണ്ഡവീയ സത്രസമിതിയുടെ നേതൃത്വത്തിലാണ് മൂന്നാമത് അഖില ഭാരത പാണ്ഡവീയ മഹാവിഷ്ണു സത്രം നടക്കുക.
അഖില ഭാരത പാണ്ഡവീയ മഹാവിഷ്ണു സത്രത്തിന്റെ തത്സമയ കാഴ്ചകൾ ഭക്തജനങ്ങൾക്ക് തത്വമയി നെറ്റ് വർക്കിലൂടെ വീക്ഷിക്കാം. സത്രത്തിന്റെ തത്സമയ കാഴ്ചകൾ ചുവടെ നൽകിയിരിക്കുന്ന ലിങ്കിൽ പ്രവേശിച്ച് വീക്ഷിക്കാവുന്നതാണ്
